Cyfres gweminarau Straen Trawmatig Cymru

Beth yw’r gweminarau?

Mae’r gweminarau hyn wedi eu teilwra ar gyfer natur unigryw gwasanaethau gofal preswyl i blant, trawma a chefnogaeth therapiwtig. Gallent gefnogi datblygiad proffesiynol a hyder pobl sy’n gweithio gyda phlant mewn gofal preswyl, ac o ganlyniad, gwella profiad y rhai sy’n derbyn gofal.

Gweminar: creu amgylcheddau therapiwtig ar gyfer pobl sy'n niwroamrywiol neu sydd wedi profi trawma

Yn y gweminar hwn mae Susanna Smith, Seicolegydd a Dylunydd Amgylcheddol o’r Abodiology Studio yn ymuno â ni.

Mae Susanna wedi gweithio gyda phlant a phobl ifanc ers dros 20 mlynedd ac yn arbenigo mewn creu amgylcheddau sy’n ystyriol yn therapiwtig, ac yn ymateb i drawma.

Yn y gweminar hwn rydyn ni’n trafod:

• y gwahaniaethau rhwng amgylcheddau sy'n ystyriol o drawma ac amgylcheddau ymatebol i drawma
• pam fod amgylcheddau yn bwysig
• pam y gall rhai amgylcheddau sbarduno trawma presennol, neu achosi trawma
• pam y gall rhai amgylcheddau helpu i wella trawma
• sut i greu lleoedd cyfannol sy'n annog llesiant a chysylltiadau
• strategaethau i wella lleoedd mewn cartrefi gofal preswyl
• y newidiadau y gallwch eu gwneud i'ch amgylcheddau.

Gwyliwch y fideo i ddysgu mwy.

Gweminar: Cefnogi pobl ifanc niwroamrywiol sydd wedi profi trawma

Yn y gweminar hwn mae Emma Reardon a Rorie Fulton yn ymuno â ni o Autism Wellbeing.

Mae’r gweminar hwn yn trafod:

• sut i adnabod y gwahaniaeth rhwng niwroamrywiaeth a thrawma
• sut y gall pobl ymddwyn yn wahanol os ydynt yn niwroamrywiaeth neu wedi profi trawma
• sut y gall rhywun ag awtistiaeth neu ADHD, neu sydd wedi profi trawma, brofi mewnbwn synhwyraidd yn wahanol
• sut y gallwch adnabod arwyddion o hyn yn y gweithle
• sut i drafod niwroamrywiaeth neu drawma, darparu cymorth, datblygu strategaethau ac addasu amgylcheddau i gyd o fewn lleoliad preswyl i blant.

Gwyliwch y fideo i ddysgu mwy.

Gweminar: Defnyddio arweinyddiaeth dosturiol sy’n ystyriol o drawma mewn gwasanaethau gofal preswyl i blant

Yn y gweminar hwn mae Dr Lynn McDonnell, Seicolegydd Clinigol Ymgynghorol ac Arweinydd yn Gwent Attachment Service, yn ymuno â ni. Mae’r Gwent Attachment Service yn wasanaeth seicoleg ym Mwrdd Iechyd Prifysgol Aneurin Bevan.

Mae’r gweminar hwn yn trafod:

• beth yw lleoliad gofal preswyl sy'n canolbwyntio ar berthynas ac yn ystyriol o drawma
• sut y gall arweinyddiaeth dosturiol eich helpu i greu lleoliad â diwylliant cadarnhaol a llesiant da i staff
• pam ei bod yn bwysig i staff barhau i ddysgu a datblygu sgiliau
• sut i sefydlu systemau sy'n eich helpu i barhau i weithio fel hyn.

Gwyliwch y fideo i ddysgu mwy.

Gweminar: Beth yw ymarfer sy'n seiliedig ar drawma mewn gofal preswyl i blant?

Yn y gweminar hwn mae Dr David Trickey, Seicolegydd Clinigol Ymgynghorol yn ymuno â ni o’r UK Trauma Council. Mae’n gyd-gyfarwyddwr UK Trauma Council a gyda dros 25 mlynedd o brofiad mewn gweithio gyda phlant a phobl ifanc sydd wedi dioddef o drawma a'u teuluoedd.

Yn y gweminar hwn rydyn ni’n trafod:

• dulliau gofal wedi'i lywio gan drawma, a sut mae'n edrych mewn lleoliadau preswyl i blant
• sut mae digwyddiadau trawmatig yn effeithio ar blant a phobl ifanc mewn lleoliadau preswyl
• beth allwch chi ei wneud i gefnogi amgylchedd lle mae plant a phobl ifanc yn fwyaf tebygol o wella
• cynllunio’r camau nesaf i chi a’ch tîm ddod yn fwy ‘gwybodus am drawma’.

Gwyliwch y fideo i ddysgu mwy.

Gweminar: Trawma dirprwyol a llesiant staff mewn lleoliadau preswyl i blant

Yn y gweminar hwn mae Nici Evans, Cynghorydd Gwella Ymarfer yng Nghymru yn ymuno â ni o’r Centre of Expertise on Child Sexual Abuse. Mae Nici yn arbennigo mewn hyfforddiant sgiliau cyfathrebu a rhyngbersonol, trawma, a gweithio gyda dioddefwyr a goroeswyr cam-drin plant yn rhywiol.

Yn y gweminar hwn rydyn ni’n trafod:

• sut y gall trawma effeithio ar blant a phobl ifanc
• sut i siarad â phlant a phobl ifanc am eu profiadau
• sut y gall gweithio mewn amgylcheddau llawn straen ac emosiynol effeithio ar ymarferwyr a'u llesiant
• sut i adnabod arwyddion straen, gorfoledd, a thrawma dirprwyol ynoch chi a phobl eraill
• sut i greu blwch offer hunanofal personol.

Gwyliwch y fideo i ddysgu mwy.

Barn a safbwyntiau’r cyflwynwyr yw’r rhai a fynegir yn y gweminarau hyn, ac nid o reidrwydd Gofal Cymdeithasol Cymru.