Diweddariad ar ein dull o ymdrin â data gofal cymdeithasol

Mae ein hadroddiad ar y cam darganfod yn disgrifio data gofal cymdeithasol yng Nghymru a’r meysydd sydd angen eu gwella.

Mae ein datganiad o fwriad strategol yn dwyn ynghyd sefydliadau sydd am wella’r ffordd y caiff data ei gasglu a’i ddefnyddio ym maes gofal cymdeithasol yng Nghymru. Mae'n disgrifio ein nodau ar gyfer data gofal cymdeithasol ac yn nodi wyth maes blaenoriaeth o waith. Rydyn ni wedi dechrau gweithio ym mhob maes ac wedi gwneud cynnydd yn erbyn ein hamcanion.

Rydyn ni wedi:

• datblygu sut rydyn ni’n siarad â phobl yng Nghymru am y defnydd o ddata iechyd a gofal, ynghyd â’n partneriaid, Llywodraeth Cymru ac Iechyd a Gofal Digidol Cymru

• cytuno ar sut y byddem yn gweithio gydag Iechyd a Gofal Digidol Cymru ar gyfer y rhaglen Adnodd Data Cenedlaethol a gofal cymdeithasol yng Nghymru
  
• rydyn ni wedi helpu awdurdodau lleol i rannu eu data gyda SAIL a’r Networked Data Lab ac wedi edrych ar sut y gallai porth rhannu gwybodaeth helpu i weinyddu rhannu data

• gwella'r ffordd rydyn ni’n casglu data am y gweithlu gofal cymdeithasol yng Nghymru

• creu canllawiau ar gyfer awdurdodau lleol sydd am rannu data

• ailgynllunio ein Porth data gofal cymdeithasol cenedlaethol Cymru a gwella’r data a gynhelir ynddo, sut mae'n gweithio a sut y caiff ei ddefnyddio

• cyhoeddi’r adroddiad, Cwmpasu fframwaith datblygiad proffesiynol ar gyfer dadansoddwyr data gofal cymdeithasol yng Nghymru, sy’n edrych ar y gweithlu data mewn gwasanaethau awdurdodau lleol, a dechrau cyfres o brosiectau sgiliau data

• gweithio gydag Iechyd a Gofal Digidol Cymru i ddarparu eu rhaglen ddysgu dadansoddeg lefel sylfaen gyda KPMG.

Erbyn Ebrill 2023 rydyn ni’n gobeithio:

• gweithio gyda sefydliad profiadol i'n helpu i siarad â phobl ledled Cymru am ddata iechyd a gofal

• parhau â'n gwaith gydag ADSS Cymru i osod ein blaenoriaethau data ar gyfer gwasanaethau cymdeithasol awdurdodau lleol yng Nghymru

• gweithio gydag awdurdodau lleol i ddeall a ydynt yn barod ar gyfer y rhaglen Adnodd Data Cenedlaethol

• parhau â’n gwaith gyda’r Networked Data Lab a chryfhau ein dull o gysylltu data gweinyddol, drwy weithio gyda SAIL ac Uned Ymchwil Data Gweinyddol Llywodraeth Cymru

• parhau i ddatblygu'r Porth data gofal cymdeithasol cenedlaethol Cymru, ynghyd â'n defnyddwyr

• gweithio gydag awdurdodau lleol i ddiffinio safonau data ar gyfer data gofal cymdeithasol

• cyflwyno dau brosiect ‘alffa’ ar gyfer sgiliau dadansoddi data

• cyhoeddi diweddariadau rheolaidd am waith y strategaeth ddata.

• Lawrlwythch yr adroddiad llawn, Datblygu ymagwedd strategol at ddata gofal cymdeithasol yng Nghymru – diweddariad Medi 2022 a’r camau nesaf.

• Lawrlwythwch y ddogfen Ymagwedd strategol at ddata gofal cymdeithasol, camau cyflym ymlaen.