Helpwch ni i adeiladu gweithlu sy’n barod i wneud y gorau o dechnoleg ddigidol

Rydyn ni’n archwilio opsiynau ar gyfer teclyn newydd a fydd yn ein helpu i fynd i’r afael â’r bwlch sgiliau digidol mewn gofal cymdeithasol yng Nghymru.

Yn 2023, gweithion ni gyda sefydliad o’r enw Basis i edrych ar y ffordd orau o gefnogi arloesedd digidol mewn gofal cymdeithasol.

Fe wnaethon ni darganfod bod bylchau yn y sgiliau sydd angen ar y gweithlu i gefnogi arloesedd digidol yn y sector.

Rydyn ni eisiau i bobl sy'n gweithio yn y sector gofal cymdeithasol yng Nghymru i'n helpu ni a Basis i ddatblygu teclyn a fydd yn asesu aeddfedrwydd a llythrennedd digidol presennol y sector.

Mae ‘aeddfedrwydd a llythrennedd digidol’ yn golygu gallu a hyder sefydliad a’i bobl i ddefnyddio technoleg yn effeithiol a darparu gwerth.

Gall canfod a mynd i’r afael â’r bylchau yn sgiliau digidol y gweithlu helpu arwain at wasanaethau mwy effeithiol a chanlyniadau gwell i bobl sy’n defnyddio gofal a chymorth.

Hoffen ni glywed eich profiadau o ddefnyddio technoleg ddigidol i ddiwallu anghenion y bobl rydych chi’n eu cefnogi.

Os ydych chi’n hapus i rannu eich profiadau a gweithio gyda ni i ddatblygu teclyn asesu, anfonwch e-bost at strategaethgweithlu@gofalcymdeithasol.cymru a byddwn ni'n cysylltu i drefnu sgwrs.

Mae Basis hefyd wedi creu arolwg byr i'n helpu ni i ddysgu mwy am sut allwn ni ddatblygu teclyn sy'n gweithio orau i chi a'ch sefydliad.

Mae'r arolwg dienw yn cymryd tua chwe munud i'w gwblhau.

Bydd eich cefnogaeth a’ch mewnbwn yn helpu sicrhau bod unrhyw asesiad yn gwella:

• gallu arweinwyr i wneud penderfyniadau strategol a dyrannu adnoddau yn fwy effeithiol
• ein dealltwriaeth o anghenion datblygu a’r bylchau sgiliau yn y gweithlu
• recriwtio a chadw pobl wych
• gallu sefydliadau i brofi datrysiadau digidol arloesol
• cydweithio a chefnogaeth gyfannol
• mynediad cyfartal i gyfleoedd a chymorth gan ddefnyddio adnoddau digidol
• gallu'r gweithlu i ymarfer gofal mwy personol dan bwysau a disgwyliadau cynyddol.