Rydyn ni’n gweithio gyda sefydliad o’r enw Basis i edrych ar sut allwn ni asesu aeddfedrwydd a llythrennedd digidol yn y sector gofal cymdeithasol yng Nghymru.
Rydyn ni eisiau cefnogaeth pobl sy'n gweithio ym maes gofal cymdeithasol i ddatblygu teclyn a fydd yn ein helpu i ddeall mwy am sgiliau digidol cyfredol y gweithlu a sut allan nhw wneud y gorau o’r sgiliau hynny.
Mae ‘aeddfedrwydd a llythrennedd digidol’ yn golygu gallu a hyder sefydliad a’i bobl i ddefnyddio technoleg yn effeithiol a darparu gwerth.
Yn 2023, gweithion ni gyda Basis i adolygu ein hopsiynau ar gyfer cefnogi arloesedd digidol mewn gofal cymdeithasol.
Fe wnaethon ni darganfod bod bylchau yn y sgiliau sydd eu hangen ar y gweithlu i gefnogi arloesedd digidol yn y sector.
Un o themâu ein strategaeth gweithlu ar gyfer iechyd a gofal cymdeithasol yw adeiladu gweithlu sy’n barod yn ddigidol, ac un gall sicrhau canlyniadau gwell i bobl a chynyddu hyder y cyhoedd yn y sector gofal cymdeithasol.
Er mwyn gallu gwneud hyn, mae angen i ni helpu’r sector gofal cymdeithasol i ddatblygu’r sgiliau a’r hyder digidol i wneud y gorau o’r arloesiadau digidol sydd ar gael.
Un o’r cyfleoedd wnaethon ni ganfod gyda’n gilydd oedd hybu cynhwysiant a chau’r ‘bwlch digidol’ drwy weithio gyda phartneriaid i lunio asesiad sylfaenol o aeddfedrwydd a llythrennedd digidol mewn gofal cymdeithasol.
Bydd ‘asesiad sylfaenol’ yn helpu ni deall beth yw’r sefyllfa’n bresennol ac yn rhoi gwell syniad i ni o ble i dargedu cymorth.
Gyda Basis, rydyn ni’n canolbwyntio ar weithio gyda’r sector gofal cymdeithasol yng Nghymru i ddeall sut allwn ni ddatblygu dull ystyrlon o wella ein dealltwriaeth o bethau fel:
I wneud hyn, rydyn ni angen eich help chi i ddatblygu asesiad neu declyn a fydd o fudd i’r sector gofal cymdeithasol a fydd yn helpu sicrhau canlyniadau gwell i bobl.
Hoffen ni glywed eich profiadau chi o ddefnyddio technoleg ddigidol i ddiwallu anghenion y bobl rydych chi’n eu cefnogi.
Os ydych chi’n hapus i rannu eich profiadau a gweithio gyda ni i ddatblygu teclyn asesu, anfonwch e-bost at strategaethgweithlu@gofalcymdeithasol.cymru a byddwn ni'n cysylltu i drefnu sgwrs.
Gyda’ch cefnogaeth chi o’r dechrau, gallwn ni ddylunio asesiad aeddfedrwydd a llythrennedd digidol a all helpu wella:
Fel rhan o brosiect arall, rydyn ni hefyd yn gweithio gydag awdurdodau lleol i ddysgu mwy am eu haeddfedrwydd data.
Mae ‘aeddfedrwydd data’ yn cyfeirio at barodrwydd sefydliad i wneud y defnydd gorau o’r data sydd ganddo.
Ewch i'n tudalen asesiad aeddfedrwydd data i ddarganfod mwy am y prosiect hwnnw.
I gael gwybod mwy am y gwaith aeddfedrwydd a llythrennedd digidol, e-bostiwch strategaethgweithlu@gofalcymdeithasol.cymru.
