Cefnogaeth am ddim i ddatblygu eich syniadau i wella recriwtio a chadw

Mae ein gwasanaeth anogaeth arloesedd bellach ar agor am ail rownd o geisiadau.

Fe wnaethon ni lansio'r gwasanaeth am ddim ym mis Medi i’ch helpu i gael y gorau o’ch syniadau i wella gofal cymdeithasol yng Nghymru.

Y tro hwn mae’r ffocws ar gefnogi ymdrechion i wella recriwtio a chadw, felly anfonwch eich syniadau a byddwn ni’n eich helpu i roi’r syniadau hynny ar waith.

Mae ein tîm o anogwyr arloesedd yma i'ch cefnogi chi i brofi'ch syniadau'n ddiogel a'u helpu i gyrraedd eu botensial llawn.

Mae ein proses mynegi diddordeb bellach ar agor ar gyfer prosiectau sy'n canolbwyntio ar recriwtio a chadw.

Defnyddiwch ein ffurflen gais recriwtio a chadw os yw eich syniad yn perthyn i'r thema hon.

Byddwn ni’n dal i ystyried prosiectau y tu hwnt i recriwtio a chadw yn ystod y ffenestr ymgeisio hwn, felly gwnewch gais trwy ein ffurflen gais cyffredinol os oes gennych syniad gwych i wella unrhyw agwedd o ofal cymdeithasol.

Os nad ydych chi'n siŵr os yw eich prosiect yn addas, gall ein anogwyr eich helpu i benderfynu a ydych chi am wneud cais. Cysylltwch â nhw drwy anfon e-bost at anogaetharloesedd@gofalcymdeithasol.cymru.

• Mae ein gwasanaeth anogaeth arloesedd ar gael am ddim ac i unrhyw un sy’n gweithio mewn rôl gofal cymdeithasol yng Nghymru.
• Byddwch chi'n cael cymorth ar-lein gan ein tîm o anogwyr arloesedd, sy’n arbenigwyr ar gyflawni newid.
• Byddwn ni'n eich helpu chi i ddatrys problemau a magu hyder i barhau i ddefnyddio eich ffordd newydd o weithio unwaith y bydd yr anogaeth wedi dod i ben.
• Bydd pawb sy’n cymryd rhan yn y gwasanaeth anogaeth yn gymwys i ymuno â’n ‘clwb anogaeth’ – rhwydwaith o eraill sydd wedi bod drwy’r un broses.