Plant sy'n derbyn gofal
Mae gwella canlyniadau i blant sy'n derbyn gofal neu wedi profi gofal yn un o'n tri maes blaenoriaeth genedlaethol ar gyfer gwelliant yng Nghymru

Pwy yw plant sy’n derbyn gofal?

Dyw plant a phobl ifanc sy’n derbyn gofal ddim yn byw gyda’u rhieni, naill ai dros dro neu’n barhaol, oherwydd am sawl rheswm dydyn nhw ddim yn gallu gofalu amdanynt yn ddiogel.

Ar 31 Mawrth 2018, bu 6000 o blant yng Nghymru yn derbyn gofal oddi cartref, gyda’r rhan fwyaf yn byw gyda:

  • theulu estynedig neu ffrindiau
  • gofalwyr maeth
  • mewn gofal preswyl i blant (gan gynnwys ysgol breswyl)
  • mabwysiadwyr
  • yn byw yn annibynnol.

Mae nifer ohonynt yn profi symud cartref (roedd 10 y cant wedi byw mewn tri chartref neu fwy yn 2016/17), yn aml yn bell oddi cartref. 

Ar y cyfan mae plant yn derbyn gofal oherwydd cael eu camdrin, profi trawma a/neu gael eu hesgeuluso. Mae angen gofal ansawdd uchel arnynt, a’r help priodol ar yr amser priodol. Rydym yn gwybod bod plant ar eu gorau pan fo ganddynt berthnasoedd cyson, sefydlog ac maen nhw’n byw mewn cartref diogel. Felly rydym yn gweithio gyda phartneriaid i gefnogi’r bobl sy’n gofalu am y plant hyn.  

Rydym yn gwybod bod rhaid i ni wella gofal cymdeithasol ar gyfer plant sy’n profi gofal, gan gynnwys eu cefnogi i fod yn gorfforol a meddyliol iach, i gyrraedd eu nodau, a defnyddio’r iaith Gymraeg os ydyn nhw’n dewis. 

Yr Adnodd gweithwyr gofal preswyl i blant

Rydym wedi datblygu adnodd ar-lein ar gyfer gweithwyr gofal preswyl i blant. Bydd yr adnodd yn cefnogi ymarfer da drwy roi mynediad i wybodaeth hanfodol, astudiaethau achos, data, ac ymchil. 


Sut rydyn ni’n helpu gwella canlyniadau i blant sy’n derbyn gofal?

Rydyn ni’n gweithio gyda Grŵp Cynghori’r Gweinidog ar wella canlyniadau i blant i:

  • ostwn yn ddiogel y nifer o blant sydd angen gofal arnynt
  • cael nifer ddigonol o leoliadau ansawdd uchel
  • cefnogi plant i gael y teithiau gorau posibl drwy ofal ac i ddatblygu’n oedolion
  • datblygu gweithlu cynaliadwy ac ymarfer proffesiynol da i gefnogi plant sy’n derbyn gofal.

Rydym yn gweithio gyda darparwyr gofal preswyl i blant i’w cefnogi nhw i ddatblygu eu gweithwyr a gwella ansawdd y gofal i blant sy’n byw mewn cartrefi preswyl.

Rydym hefyd yn cofrestru gweithwyr a rheolwyr mewn cartrefi plant a gallwch chwilio ein cofrestr i ddysgu mwy amdanynt. 

Mae rhai o’n gwaith i gefnogi plant sy’n derbyn gofal yn cynnwys:

Cysylltu â ni

Os oes gennych chi gwestiwn Cysylltwch â ni

Diweddarwyd diwethaf: 02 Ebrill 2019