Gweminar: creu amgylcheddau therapiwtig ar gyfer pobl sy'n niwroamrywiol neu sydd wedi profi trawma

Mae’r weminar hon ar gyfer unrhyw un sy’n gweithio gyda phlant mewn gofal preswyl a allai fod wedi profi trawma, gan gynnwys:

• pobl sy'n datblygu gwasanaethau preswyl i blant
• rheolwyr preswyl i blant
• gweithwyr preswyl i blant
• pobl sy'n cefnogi plant a phobl ifanc mewn lleoliadau preswyl
• pobl sy'n cefnogi'r gweithlu mewn lleoliadau preswyl i blant.

Yn y sesiwn hon, byddwn yn dysgu:

• y gwahaniaethau rhwng amgylcheddau sy'n ystyriol o drawma ac amgylcheddau ymatebol i drawma
• pam fod amgylcheddau yn bwysig
• pam y gall rhai amgylcheddau sbarduno trawma presennol, neu achosi trawma
• pam y gall rhai amgylcheddau helpu i wella trawma
• sut y gall amgylcheddau effeithio ar ymddygiad
• sut i greu lleoedd cyfannol sy'n annog llesiant a chysylltiadau
• strategaethau i wella lleoedd mewn cartrefi gofal preswyl
• y newidiadau y gallwch eu gwneud i'ch amgylcheddau
• ffyrdd ymarferol o ddod yn fwy ymatebol i drawma
• pam mae rheolaeth a hunan-ymwybyddiaeth, hunan-reoleiddio, a hunan-liniaru yn bwysig mewn cartrefi gofal preswyl
• y dulliau cymorth y gallwch eu defnyddio
• y deunyddiau, lliwiau, lleoliadau dodrefn, tymheredd, goleuadau, arogleuon, sy'n helpu cartrefi gofal preswyl i fod yn fwy cynhwysol ac yn annog cysylltiad a thawelwch.

Susanna Smith, Seicolegydd a Dylunydd Amgylcheddol
Abodiology Studio

Mae Susanna wedi gweithio gyda phlant a phobl ifanc ers dros 20 mlynedd.

Mae Susanna yn arbenigo mewn creu amgylcheddau sy’n ystyriol yn therapiwtig, ac yn ymateb i drawma.

Mae hi'n defnyddio seicoleg, niwroleg a gwyddoniaeth ymddygiadol i greu amgylcheddau mewn gofal preswyl, addysg ac iechyd. Mae'r amgylcheddau y mae'n eu creu yn canolbwyntio ar niwroamrywiaeth ac ymatebolrwydd i drawma i wella cysylltiad, llesiant a hunanreoleiddio.