Mae’r sesiwn hon yn gyfle gwych i ddysgu mwy am y Cynnig Rhagweithiol a sut gallech chi ddefnyddio mwy o Gymraeg yn eich lleoliad blynyddoedd cynnar a gofal plant.
Ar gyfer pwy mae’r sesiwn hon
Mae’r sesiwn hon ar gyfer ymarferwyr, myfyrwyr, tiwtoriaid ac aseswyr sy’n gweithio yn y sector gofal plant, chwarae a’r blynyddoedd cynnar.
Cynnwys y sesiwn
Yn y sesiwn hon, byddwch yn:
- dysgu sut gall yr Addewid Cymraeg a cyrsiau Camau eich helpu i ddefnyddio mwy o Gymraeg yn eich lleoliad
- darganfod sut gallech chi gymryd camau bach i ddangos eich gwaith tuag at y Cynnig Rhagweithiol
- dysgu am y lefelau efydd, arian ac aur y Cynnig Rhagweithiol ac ystyried pa un fydd yn gweithio orau yn eich lleoliad
- darganfod pa gefnogaeth sydd ar gael trwy Cydlynwyr Cymorth Iaith Cymraeg Cwlwm a’r cyrsiau Camau i ddysgu Cymraeg.