Dewch i ddarganfod sut gallwn ni eich cefnogi i ddatblygu a gwella eich ymarfer a’r gwasanaethau rydych chi’n eu darparu.
Yn y sesiynau galw heibio anffurfiol hyn, bydd staff o’n cyfarwyddiaeth gwella a datblygu wrth law i drafod y cymorth maen nhw'n ei gynnig a’ch cyfeirio at ffynonellau cymorth eraill yn y sefydliad.
Mae’r sesiynau hyn ar gyfer unrhyw un sy’n gweithio ym maes gofal cymdeithasol ac sydd â diddordeb yn y cymorth rydyn ni’n ei gynnig i ddatblygu a gwella ymarfer a gwasanaethau.
Efallai bod gennych chi broblem neu syniad penodol hoffech chi gael cymorth ag ef, ond ddim yn gwybod pa un o’n gwasanaethau sy’n iawn i chi. Neu efallai hoffech chi gael gwybod mwy am gynnig cymorth penodol.
Gall ein staff eich helpu i ddod o hyd i’r cymorth rydych chi’n chwilio amdano.
Yn ystod y sesiynau hyn byddwch yn cael cyfle i gwrdd â staff o’n timau arweinyddiaeth dosturiol, anogaeth arloesedd a symudedd gwybodaeth.
Bydden nhw’n ateb eich cwestiynau am y gefnogaeth mae eu timau’n ei chynnig, ac yn eich cyfeirio at y gefnogaeth sydd ar gael gan dimau eraill.
Mae croeso i chi ymuno ar unrhyw adeg yn ystod y sesiwn.
Arweinyddiaeth dosturiol
Mae ein tîm arweinyddiaeth dosturiol yn agor y drws i unrhyw un ym maes gofal cymdeithasol sydd am ddechrau neu barhau ar eu taith arweinyddiaeth. Mae’n cynnig hyfforddiant ac adnoddau i’ch helpu i ddechrau, a chymorth wedi’i deilwra i’ch helpu i gyrraedd eich nodau.
Anogaeth arloesedd
Fe wnaethon ni greu ein gwasanaeth anogaeth arloesedd i helpu i arwain a chefnogi’r arloesedd sy’n digwydd ar draws gofal cymdeithasol i ddatblygu ffyrdd newydd o weithio. Mae'n rhoi mynediad i chi at dîm o anogwyr sy'n eich helpu i ddatblygu eich syniadau i wella arfer, prosesau, gwasanaethau a chanlyniadau.
Symudedd gwybodaeth
Mae'r tîm symudedd gwybodaeth yn cefnogi'r sector gofal cymdeithasol i ddatblygu arfer wedi'i gyfoethogi gan dystiolaeth. Mae hyn yn golygu rhannu gwybodaeth, cefnogi mynediad at dystiolaeth ymchwil, hyrwyddo cyfleoedd dysgu, adeiladu rhwydweithiau, a chefnogi cydweithio.
Os byddwch chi'n cofrestru ymlaen llaw, byddwn ni mewn cysylltiad i ofyn pa sesiwn hoffech chi ei mynychu. Ond gallwch chi hefyd gofrestru yn ystod y sesiynau, a byddwn ni'n anfon y ddolen Zoom atoch cyn gynted â phosibl.
Bydd y sesiynau hyn yn cael eu cynnal yn Saesneg. Os hoffech chi gael sgwrs yn Gymraeg am y cymorth rydyn ni’n ei gynnig, anfonwch e-bost at rob.callaghan@gofalcymdeithasol.cymru a byddwn ni’n trefnu dyddiad ac amser sy’n addas i chi.
