Gweithiwr gofal cartref (gwasanaethau i oedolion)

Mae’r rheoliadau gwasanaeth yn ei gwneud yn ofynnol bod “y darparwr gwasanaeth yn sicrhau ar bob adeg fod nifer digonol o staff sydd â’r cymwysterau, yr hyfforddiant, y sgiliau, y cymhwysedd a’r profiad priodol yn gweithio yn y gwasanaeth”.

Mae’r cymwysterau priodol yn cael eu cynnwys yn y fframwaith hwn.

Os bydd gweithwyr gofal cartref yn gweithio gydag oedolion a phlant, mae’n ddyletswydd ar y cyflogwyr i wneud yn siŵr bod y rheolwr wedi cyflawni'r unedau priodol o fewn y cymwysterau yng nghyswllt oedolion a phlant, a bod ganddo’r wybodaeth, y ddealltwriaeth a'r sgiliau sydd eu hangen ar gyfer y rôl.

Gyda argymhelliad ôl-gofrestru fod y gweithiwr yn gwblhau agweddau o’r Fframwaith sefydlu Cymru gyfan ar gyfer iechyd a gofal cymdeithasol sy’n berthnasol i’w rôl.

Mae’r wybodaeth ganlynol yn berthnasol i chi os:

• rydych yn gweithio, neu os hoffech weithio, fel gweithiwr gofal cymdeithasol yng Nghymru a
• meddu ar gymhwyster perthnasol (o’r DU neu dramor) nad yw wedi’i restru ar y fframwaith cymhwyster na’r rhestr flaenoriaeth.

Cymwysterau a enillwyd yn yr Alban, Gogledd Iwerddon a Lloegr

Cymwysterau a enillwyd cyn Rhagfyr 2026
Os ydych yn weithiwr sy'n symud i Gymru ac yn meddu ar gymhwyster (a gyflawnwyd cyn Rhagfyr 2026. Mae'r dyddiad cyflawni i'w weld ar eich tystysgrif) sy'n cael ei gydnabod gan Skills for Care (Lloegr), Northern Ireland Social Services Council neu Scottish Social Services Council dylech gwblhau agweddau o’r fframwaith sefydlu Cymru Gyfan ar gyfer iechyd a gofal cymdeithasol sy'n berthnasol i'ch rôl a'r lleoliad gwasanaeth.

Proses QEA o fis Ionawr 2027
Os ydych yn weithiwr sy'n symud i Gymru ac yn meddu ar gymhwyster yn Lloegr, Gogledd Iwerddon neu'r Alban, bydd angen i chi wirio'r rhestr flaenoriaeth i weld a yw eich cymhwyster yn cael ei dderbyn ai peidio yng Nghymru.

Os nad yw'r cymhwyster eisoes ar y rhestr flaenoriaeth, bydd angen i chi wneud cais i'ch cymhwyster gael ei asesu drwy'r broses Asesiad Cyfwerth â Chymhwyster (QEA). Gallwch ddarganfod mwy am y broses hon ar y dudalen we asesiad cymhwyster cyfwerth.

Cymwysterau rhyngwladol
Os ydych chi'n weithiwr sy'n symud i Gymru ac yn meddu ar gymhwyster rhyngwladol bydd angen i chi wirio'r rhestr flaenoriaeth i weld a yw'ch cymhwyster yn cael ei dderbyn ai peidio yng Nghymru.

Os nad yw'r cymhwyster eisoes ar y rhestr flaenoriaeth, bydd angen i chi wneud cais i'ch cymhwyster gael ei asesu drwy'r broses Asesiad Cyfwerth â Chymhwyster (QEA). Gallwch ddarganfod mwy am y broses hon ar y dudalen we asesiad cymhwyster cyfwerth.

Ardal Economaidd Ewropeaidd (EEA) - Cymdeithas Masnach Rydd Ewrop (EFTA) - Trefniadau Cymdeithas Masnach Rydd (FTA) (Gweithlu a reoleiddir yn unig)

Mae’r EEA-EFTA-FTA yn gytundeb masnach rydd cynhwysfawr rhwng y DU a Gwlad yr Iâ, Liechtenstein, Norwy a’r Swistir (Gwledydd) ac un o’r meysydd y mae’n ei gwmpasu yw cydnabod cymwysterau proffesiynol.

O dan y cytundeb, mae’n ofynnol i ni gydnabod cymwysterau proffesiynol ymgeiswyr o’r gwledydd yma lle maent yn debyg i’r rheini sy’n ofynnol ar gyfer y proffesiwn gofal cymdeithasol perthnasol yng Nghymru. Mae'n ofynnol i ni gynnig cyfnodau addasu lle bo angen ac mae gofynion pellach ynghylch sut rydym yn prosesu ceisiadau.

Mae Rheoliadau Cydnabod Cymwysterau Proffesiynol a Gweithredu Cytundebau Cydnabod Rhyngwladol (Cymru) (Diwygio etc.) 2023 yn gweithredu cytundeb EEA-EFTA-FTA yng Nghymru ac yn ei gwneud yn ofynnol i reoleiddwyr Cymru gydymffurfio â'r darpariaethau ar gyfer cydnabod cymwysterau proffesiynol.

Os ydych chi wedi cwblhau eich cymhwyster proffesiynol yn un o’r cyflyrau a nodir uchod, cysylltwch â ni am ragor o wybodaeth: cymwysterauasafonau@gofalcymdeithasol.cymru