Cwestiynau cyffredin am ein newidiadau i'r Codau Ymarfer Proffesiynol

Er mwyn sicrhau bod gweithwyr yng Nghymru yn darparu gofal a chymorth da, mae gennym ni Godau Ymarfer Proffesiynol, ac rydyn ni’n cofrestru grwpiau o weithwyr i wneud yn siŵr eu bod yn addas i weithio ym maes gofal cymdeithasol.

Mae’r codau yn set o reolau, neu safonau, y mae’n rhaid i weithwyr gofal proffesiynol weithio yn unol â nhw, i helpu i gadw pobl yn ddiogel ac yn iach.

Mae dau God Ymarfer Proffesiynol, un ar gyfer gweithwyr gofal cymdeithasol ac un ar gyfer cyflogwyr.

Rydyn ni wedi gwneud yr iaith yn symlach ac yn gliriach ac wedi ychwanegu mwy o wybodaeth am bwysigrwydd cydraddoldeb, amrywiaeth a chynhwysiant.

Rydyn ni hefyd wedi diweddaru’r codau fel eu bod yn cynnwys gwybodaeth am sut y dylech chi ymddwyn ar gyfryngau cymdeithasol, yn ogystal â thu allan i’r gwaith yn gyffredinol.

Ni fydd y newidiadau rydyn ni'n cynnig yn effeithio ar eich ymarfer, ac nid oes disgwyl i chi weithio mewn ffordd wahanol.

Rydyn ni wedi newid yr iaith yn y codau i’w gwneud nhw’n fyrrach ac yn gliriach, fel ei bod hi’n haws i chi ddeall beth sy’n ddisgwyliedig gennych chi.

Nid yw’r newidiadau rydyn ni'n cynnig yn gofyn i weithwyr gofal cymdeithasol weithio mewn ffordd wahanol.

Rydyn ni wedi newid yr iaith yn y codau i’w gwneud yn fyrrach ac yn gliriach, felly mae’n haws i chi weld beth sy’n ddisgwyliedig gan eich gweithwyr gofal cymdeithasol a’r safonau y mae angen iddyn nhw weithio iddynt.

Bydd, bydd y canllawiau ymarfer yn cael eu diweddaru i gyd-fynd â'r codau unwaith y bydd yr ymgynghoriad wedi'i gwblhau.

Rydyn ni’n cynnal ymgynghoriad rhwng 30 Medi a 17 Rhagfyr i gael clywed barn pobl am ein newidiadau arfaethedig.

Ar ôl i’r ymgynghoriad ddod i ben, byddwn ni’n edrych ar yr holl adborth rydyn ni wedi’i dderbyn ac yn penderfynu ar fersiwn derfynol y codau.

Byddwn yn rhoi gwybod i chi cyn gynted ag y byddwn wedi cytuno ar ddyddiad gweithredu ar gyfer y codau newydd.

Byddwn yn rhoi digon o rybudd i chi ac ni fyddwn yn disgwyl i weithwyr gofal cymdeithasol ddechrau gweithio i’r codau newydd ar unwaith.