Budd-daliadau a hawliau ariannol

Mae cymorth ariannol ar gael i nifer ond gall deall beth sydd ar gael fod yn ddryslyd.

Gall yr elusen Age Cymru ddarparu gwybodaeth a chyngor am faterion ariannol (Saesneg yn unig). Mae llinell gymorth 0800 223 444 ar gael ac mae swyddfeydd lleol y gellir dod o hyd iddyn nhw ar eu gwefan.

Mae Llwybrau trwy Ddementia yn helpu pobl i ddatrys trefn gyfreithiol y siwrnai drwy ddementia, fel talu am ofal, rheoli arian a budd-daliadau lles (Saesneg yn unig).

Mae gan Lywodraeth y DU gyfrifiannell buddiannau ar-lein y gallwch ei ddefnyddio i weld pa fudd-daliadau y mae gan rywun sy’n byw gyda dementia neu berson sy’n eu cynorthwyo yr hawl i’w cael.

Yn ôl adroddiad y Gymdeithas Alzheimer, Costau Cudd Dementia yng Nghymru, mae dementia’n costio £1.4 billion i Gymru, sy’n cyfateb i gyfartaledd o £31,300 y pen bob blwyddyn (Saesneg yn unig).

• Caiff £196 miliwn ei wario ar gostau gofal iechyd
• Caiff £535 miliwn ei wario ar gostau gofal cymdeithasol (wedi ei ariannu yn gyhoeddus ac yn breifat)
• Caiff £622 miliwn ei gyfrannu gan waith gofalwyr di-dâl o bobl sydd â dementia
• Caiff £6 miliwn ei wario ar gostau eraill, gan gynnwys costau heddlu am ymholiadau pobl goll, gwasanaethau eiriolaeth ac ymchwil
• Mae gofal di-dâl yn cyfrif am 75 y cant o gyfanswm y gost ar gyfer pobl gyda dementia sy’n byw yn y gymuned, a 46 y cant o gyfanswm cost y boblogaeth gyffredinol sydd â dementia yng Nghymru.

Daeth Dementia yn y Teulu (Saesneg yn unig), adroddiad Ymchwil Alzheimer y DU, i’r casgliad bod gofalwyr teuluol yn fwy tebygol o brofi llai o gyfleoedd gwaith ac incwm, yn ogystal â’r costau ariannol o ddarparu gofal, gan gynnwys:

• biliau ynni uwch
• bwyd arbenigol
• biliau ffôn uwch
• costau trafnidiaeth uwch
• cynnyrch gofal
• offer ac addasiadau.

Helpwch ni i wella'r Adnodd dementia ar gyfer gweithwyr gofal proffesiynol drwy gael dweud eich dweud amdano yn ein harolwg byr pedair cwestiwn.