Grŵp 1: pobl sy'n gweithio gyda dinasyddion

Os yw pawb sy'n gweithio ym maes gofal cymdeithasol yng Nghymru yn gyfarwydd â dulliau seiliedig ar gryfderau, gallan nhw eu defnyddio i hyrwyddo canlyniadau cadarnhaol i'r bobl y maent yn eu cefnogi.

Mae'r grŵp hwn yn cynnwys unrhyw un sy'n gweithio gyda dinasyddion, gan gynnwys pobl sy’n:

• cynnal gweithgareddau ymgysylltu, fel grwpiau ffocws
• delio â chanmoliaeth neu gwynion am wasanaethau
• asesu anghenion a chynllunio ymyriadau
• rhoi gofal a chefnogaeth.

Gallan nhw fod yn:

• weithwyr gofal cymdeithasol neu ymarferwyr
• weithiwr cymorth
• weithwyr cymdeithasol
• bobl sy'n gweithio ym maes iechyd, blynyddoedd cynnar a gofal plant, addysg a gwasanaethau tebyg.

Dylai pawb yn y grŵp hwn:

• deall egwyddorion allweddol ymarfer sy'n seiliedig ar gryfderau a pham rydyn ni’n eu defnyddio
• deall manteision gweithio mewn ffordd sy'n seiliedig ar gryfderau
• cydnabod y gwahaniaeth rhwng arferion sy'n seiliedig ar gryfderau ac sy'n seiliedig ar ddiffyg
• deall pam mae sefydliadau'n symud i ffwrdd o arfer sy'n seiliedig ar ddiffyg i arfer sy’n seiliedig ar gryfderau
• bod yn ymwybodol o ddeddfwriaeth berthnasol, gan gynnwys Deddf Gwasanaethau Cymdeithasol a Llesiant (Cymru) 2014 a sut mae'n hyrwyddo llais, dewis a rheolaeth pobl
• deall y polisïau a'r canllawiau sy'n cefnogi arferion sy'n seiliedig ar gryfderau yn eu sefydliad
• gwybod pryd i ddefnyddio ymarfer sy'n seiliedig ar gryfderau mewn maes gwaith penodol, megis amddiffyn plant, diogelu, gwaith cymdeithasol neu ymyriadau cyffuriau ac alcohol
• adnabod sut olwg sydd ar rwydwaith cymorth da i rywun, gan ddechrau gyda theulu’r unigolyn ac yna’r gymuned a gwasanaethau lleol
• cydnabod y pethau yn eu sefydliad sy'n ei gwneud hi'n anodd gweithio mewn ffordd sy'n seiliedig ar gryfderau, a sut i weithio gydag eraill i oresgyn y rhain.

Dylai pawb yn y grŵp hwn allu:

• cynnal sgwrs 'beth sy'n bwysig', gan ddefnyddio sgiliau fel 'OARS', sy'n dod o gyfweld ysgogol:
  • cwestiynau agored
  • datganiadau
  • sylwadau
  • crynodebau.
• meithrin perthynas gref, hyderus a pharchus gyda dinasyddion a chydweithwyr drwy:
  • ymgysylltu â'r person ar ei lefel nhw eu hun
  • canolbwyntio ar yr hyn sy'n bwysig
  • bod yn sensitif i’w hangenhion a’u profiadau bywyd
  • meddwl am y posibiliadau ar gyfer y person hwnnw
  • cynllunio gyda 'r person yn hytrach nag i'r person.
• cael sgyrsiau anodd mewn ffordd dosturiol
• ysgrifennu adroddiadau a chynlluniau mewn ffordd sy'n:
  • canolbwyntio ar gryfderau'r unigolyn
  • defnyddio geiriau'r person ei hun
  • esbonio'r penderfyniadau yn glir
  • dangos sut y daethant i benderfyniad
  • esbonio sut mae'r person yn teimlo am benderfyniadau.
• gwneud asesiadau sy'n cofnodi ac yn adeiladu ar gryfderau unigol, teulu a chymunedol
• cynnal sgyrsiau 'beth sy'n bwysig' sy'n osgoi labeli, jargon ac iaith oddefol
• defnyddio arfer sy'n seiliedig ar gryfderau mewn maes gwaith penodol, megis amddiffyn plant, diogelu, gwaith cymdeithasol neu ymyriadau cyffuriau ac alcohol
• gwrando ar – ac eirioli dros – pobl eraill sy'n gweithio mewn ffordd sy'n seiliedig ar gryfderau.

Gallwch gefnogi pobl yn y grŵp hwn drwy:

• weithio tuag at ddiwylliant cadarnhaol yn eich sefydliad
• weithio i werthoedd ymarfer sy'n seiliedig ar gryfderau
• cynnig cyfleoedd ar gyfer ymarfer myfyriol rheolaidd.