Ymunwch â'n cymuned newydd ar gyfer Unigolion Cyfrifol

Rydyn ni’n lansio cymuned newydd ar gyfer Unigolion Cyfrifol.

Unigolyn Cyfrifol yw uwch gynrychiolydd darparwr gofal cymdeithasol sydd wedi’i gofrestru ag Arolygiaeth Gofal Cymru (AGC) fel y person sy’n gyfrifol am sicrhau bod y gwasanaeth yn bodloni’r rheoliadau.

P’un a oes gennych gyfoeth o brofiad neu newydd ddechrau, mae ein cymuned yn cynnig amgylchedd cefnogol i gysylltu ag aelodau eraill a dysgu ganddynt.

Byddwn yn rhoi mynediad i blatfform ar-lein i aelodau i rannu eu syniadau, tra byddwn hefyd yn cynnal cyfres o ddigwyddiadau ar bynciau sydd o bwys i'r gymuned.

Cofrestrwch nawr neu cysylltwch â charlotte.powell@gofalcymdeithasol.cymru am ragor o wybodaeth.

Pam ddylech chi ymuno â'r gymuned?

Mae’n rhad ac am ddim, ac yn agored i bob Unigolyn Gyfrifol yng Nghymru.
Gallwch ddefnyddio ein platfform ar-lein i rannu gwybodaeth, syniadau, digwyddiadau ac adnoddau gydag eraill.
Byddwn yn cynnal digwyddiadau rheolaidd ar gyfer aelodau ein cymuned, lle byddwn yn canolbwyntio ar yr hyn y gallwn ei ddysgu oddi wrth ein gilydd a sut y gallwn roi ein dysgu ar waith.
Gallwch helpu i lunio’r cymuned.

Ymunwch â'n digwyddiad cyntaf!

Byddwch yn dod i adnabod aelodau eraill ac yn clywed gan Sarah Glynn Jones, Pennaeth Arolygu Gwasanaethau Oedolion a Phlant AGC, am sut mae’r rheolydd yn meincnodi ei arolygiadau.

Rydyn ni’n cynnal y digwyddiad ar Zoom am 2pm ar 15 Awst.

Ymunwch â'r gymuned i archebu eich lle a chael gwybod am ddigwyddiadau eraill sydd i ddod.