Cadwch y dyddiad! Rhwng 17 a 21 Mawrth, rydyn ni’n dathlu Wythnos Gwaith Cymdeithasol!
Yn ystod yr wythnos, byddwn ni'n cynnal cyfres o ddigwyddiadau ar-lein am ddim, ar gyfer unrhyw un sydd â diddordeb mewn gwaith cymdeithasol.
Rydyn ni wrthi yn trefnu rhaglen gyffrous o ddigwyddiadau Bydd y rhaglen yn canolbwyntio ar dair thema allweddol:
- cryfhau ein perthynas
- cynnal ein hunaniaeth gwaith cymdeithasol
- cefnogi ein llesiant yn y gwaith.
Byddwn ni’n clywed gan siaradwyr ysbrydoledig, gweithwyr proffesiynol gwaith cymdeithasol ac arbenigwyr. Bydd sesiynau am AI, arferion sy'n seiliedig ar berthnasoedd, hunaniaeth niwroamrywiol a llawer mwy.
Os ydych chi wedi cofrestru â ni, bydd mynychu digwyddiadau yn cyfrif tuag at eich datblygiad proffesiynol parhaus (DPP).
Bydd cofrestru’n agor a byddwn ni'n eich diweddaru chi gyda manylion ein digwyddiadau yn gynnar yn 2025, ond yn y cyfamser, cofiwch gadw’r dyddiad yn eich dyddiaduron!
