Gweminar: arwyddion a dangosyddion o gam-drin plant yn rhywiol

Mae’r gweminar hwn yn trafod pynciau a allai beri gofid i rai gwylwyr, gan gynnwys materion diogelu a sefyllfaoedd sy’n ymwneud â llesiant plant. Gofalwch am eich hun wrth wylio. Os oes angen cymorth arnoch chi, rydyn ni'n eich annog i siarad â’ch rheolwr neu gydweithiwr y gallwch ymddiried ynddo.

Bydd y sesiwn yn cyflwyno’r templed arwyddion a dangosyddion ac yn rhoi’r wybodaeth a’r hyder i chi weithredu pan rydych chi’n poeni am blentyn.

Mae’r digwyddiad hwn ar gyfer unrhyw un sy’n gweithio yng ngofal plant, chwarae a’r blynyddoedd cynnar.

Bydd y gweminar hwn yn eich helpu i sylwi ar arwyddion a allai awgrymu cam-drin rhywiol plant, a chofnodi a rhannu unrhyw bryderon sydd gennych chi.

Yn y gweminar hwn, byddwn ni’n:

• dysgu am y templed arwyddion a dangosyddion a sut i’w ddefnyddio’n ymarferol
• edrych ar sut i greu darlun o bryderon pan rydych chi’n poeni am blentyn
• trafod arwyddion emosiynol, ymddygiadol a chorfforol o gam-drin rhywiol ac ymddygiad rhywiol niweidiol
• darganfod pa ffactorau sy’n gallu cynyddu bregusrwydd plentyn i’r math hwn o niwed
• adeiladu hyder wrth adnabod, trafod, archwilio a rhannu pryderon am blentyn.

Mae angen mynychu’r ddwy sesiwn i gael y mwyaf o’r gweminar.

• 10am i 11.10am, 10 Mawrth
• 10am i 11.10am, 21 Ebrill.