Mae rôl Ymarferydd y Cyfnod Sylfaen yn cael ei adolygu gan Lywodraeth Cymru ar hyn o bryd. Fe fydd y dudalen yma yn cael ei adolygu ar ôl canlyniad yr adolygiad.
Cymhwyster cyfredol a dderbyniwyd
Cymwysterau a enillwyd y tu allan i Gymru
Mae’r wybodaeth ganlynol yn berthnasol i chi os:
- rydych yn gweithio, neu os hoffech weithio, fel ymarferydd blynyddoedd cynnar a gofal plant yng Nghymru a
- meddu ar gymhwyster perthnasol (o’r DU neu dramor) nad yw wedi’i restru ar y fframwaith cymhwyster na’r rhestr flaenoriaeth.
Cymwysterau a enillwyd yn yr Alban, Gogledd Iwerddon a Lloegr
Cymwysterau a enillwyd cyn Rhagfyr 2026
Os ydych yn weithiwr sy'n symud i Gymru ac yn meddu ar gymhwyster (a gyflawnwyd cyn Rhagfyr 2026. Mae'r dyddiad cyflawni i'w weld ar eich tystysgrif) sy'n cael ei gydnabod gan Skills for Care (Lloegr), Northern Ireland Social Services Council neu Scottish Social Services Council dylech gwblhau agweddau ar fframwaith sefydlu Cymru Gyfan ar gyfer y blynyddoedd cynnar a gofal plant sy'n berthnasol i'ch rôl a'r lleoliad.
Proses QEA o fis Ionawr 2027
Os ydych yn weithiwr sy'n symud i Gymru ac yn meddu ar gymhwyster yn Lloegr, Gogledd Iwerddon neu'r Alban, bydd angen i chi wirio'r rhestr flaenoriaeth i weld a yw eich cymhwyster yn cael ei dderbyn ai peidio yng Nghymru.
Os nad yw'r cymhwyster eisoes ar y rhestr flaenoriaeth, bydd angen i chi wneud cais i'ch cymhwyster gael ei asesu drwy'r broses Asesiad Cyfwerth â Chymhwyster (QEA). Gallwch ddarganfod mwy am y broses hon ar y dudalen we asesiad cymhwyster cyfwerth.
Cymwysterau rhyngwladol
Os ydych chi'n weithiwr sy'n symud i Gymru ac yn meddu ar gymhwyster rhyngwladol bydd angen i chi wirio'r rhestr flaenoriaeth i weld a yw'ch cymhwyster yn cael ei dderbyn ai peidio yng Nghymru.
Os nad yw'r cymhwyster eisoes ar y rhestr flaenoriaeth, bydd angen i chi wneud cais i'ch cymhwyster gael ei asesu drwy'r broses Asesiad Cyfwerth â Chymhwyster (QEA). Gallwch ddarganfod mwy am y broses hon ar y dudalen we asesiad cymhwyster cyfwerth.