Trosolwg o'n cynnydd yn erbyn y canlyniad hwn yn 2024 i 2025
Fel sefydliad arweinyddiaeth cenedlaethol, mae gennym gyfrifoldeb i arwain trwy esiampl yn y ffordd rydyn ni'n gweithio. Er mwyn bod yn effeithiol, mae'n rhaid i ni ddeall yr heriau a'r cyfleoedd sy'n wynebu'r rhai sy'n gweithio ym maes gofal cymdeithasol a'r blynyddoedd cynnar. Rydyn yn parhau i weithio gyda nhw i sicrhau bod ein gwasanaethau yn diwallu eu hanghenion newidiol. Rydyn yn defnyddio adborth i herio a siapio ein busnes, ein prosiectau a'n cynlluniau.
"Gydag ymddiriedaeth mewn sefydliadau cyhoeddus yn dirywio, mae'n rhaid i ni wrando mwy, ymgysylltu'n ystyrlon â phryderon pobl, a'u cynnwys yn y broses o wneud penderfyniadau. Heb hyn, bydd ymddiriedaeth yn parhau i erydu".
Adroddiad Comisiynydd Cenedlaethau'r Dyfodol 2025
Yn ôl Arolwg Omnibws Cymru 2025:
- Mae 42 y cant o'r cyhoedd yn ymwybodol ohonom (6 y cant yn fwy nag yn 2023 a 3 y cant yn fwy nag yn 2021)
- Disgrifiodd 36 y cant o'r cyhoedd ni fel y rheoleiddiwr ar gyfer gofal cymdeithasol.
Rydyn wedi parhau i ddangos agored a thryloywder yn ein penderfyniadau (llywodraethu), y ffordd rydyn ni'n gweithio a sut rydyn ni'n gwario arian cyhoeddus, wrth i ni wireddu ein cynllun pum mlynedd.
Cawsom adroddiadau cadarnhaol gan Archwilio Cymru a'n harchwilwyr mewnol am ein trefniadau llywodraethu, yn ogystal ag adborth cadarnhaol gan ein Gweinidog sy'n noddi a swyddogion Llywodraeth Cymru am ein gwaith i gefnogi'r sector.
Dyma rai enghreifftiau o'n gwaith sy'n dangos ein heffeithiolrwydd fel sefydliad gwasanaeth cyhoeddus yng Nghymru:
- Cawsom 248,216 o ymwelwyr â'n prif wefan – y dudalen ymwelwyd â hi fwyaf ar ôl ein hafan (89,118 o ymwelwyr) oedd cofrestru (28,971 o ymwelwyr)
- agorwyd ein cylchlythyr rheolaidd 412,537 o weithiau i gyd (roedd ganddo 266,488 o agoriadau unigryw)
- Roedd gennym 240 o aelodau staff – ymunodd 14 o bobl â'r sefydliad (roedd gennym gyfradd llwyddiant recriwtio o 95 y cant)
- Ein sgôr ymgysylltu â staff oedd 91 y cant
- Roedd gennym 7.3 y cant o drosiant staff (ein targed yw aros yn is na 15 y cant) – gadawodd 17 o bobl y sefydliad
- ein cyfradd absenoldeb ar gyfer oedd 3.5 y cant neu 2.4 y cant, os diystyrwn absenoldebau salwch hirdymor (ein targed yw llai na 3 y cant)
- Mae gan 91 y cant o'n staff rywfaint o sgiliau Cymraeg
- Fe wnaethom gyflawni 74 y cant o'n cynllun dysgu a datblygu blynyddol ar gyfer staff
- Cynhaliwyd 5 gweithdy gyda 64 aelod o staff ar asesiadau effaith cydraddoldeb
- Cawsom 1 cwyn ffurfiol am safon ein gwasanaeth
- fe wnaethom gyhoeddi ein hadroddiad Effaith, sy'n dangos y cynnydd a wnaethom yn ystod blwyddyn gyntaf ein cynllun strategol pum mlynedd ar gyfer 2022 i 2027
- dechreuodd chwe aelod newydd o'r Bwrdd ym mis Ebrill 2024 – bydd chwech arall yn dechrau ym mis Ebrill 2025
- roedd gennym dystysgrif archwilio lân a gosod ein cyfrifon blynyddol ar gyfer 2023 i 2024 ym mis Hydref 2024
- daethom o dan Ddeddf Llesiant Cenedlaethau'r Dyfodol (Cymru) ym mis Gorffennaf 2024 a pharhaodd ein paratoadau ar gyfer y Ddeddf Caffael a'r Ddyletswydd Partneriaeth Gymdeithasol a Chaffael
- fe wnaethom gyflawni Cyber Essentials Plus a chadw ein hachrediad ISO27001.