Grŵp 2: goruchwylwyr a rheolwyr

Rydyn ni’n argymell bod rheolwyr a goruchwylwyr ym maes gofal cymdeithasol yng Nghymru yn gyfarwydd â dulliau seiliedig ar gryfderau.

Mae goruchwylio mewn ffordd sy'n seiliedig ar gryfderau yn hyrwyddo canlyniadau cadarnhaol i'w cydweithwyr a'r bobl y maent yn eu cefnogi.

Dylen nhw fod wedi gwneud popeth mewn hyfforddiant grŵp 1.

Mae'r grŵp hwn yn cynnwys unrhyw un sy'n rheoli neu'n goruchwylio rhywun arall.

Gallan nhw fod yn:

• reolwyr llinell
• arweinwyr tîm
• reolwyr gwasanaeth
• oruchwylwyr
• aseswyr ymarfer
• fentoriaid.

Dylai pawb yn y grŵp hwn deall:

• egwyddorion allweddol ymarfer sy'n seiliedig ar gryfderau a'u rôl mewn goruchwylio
• sut mae egwyddorion allweddol ymarfer sy'n seiliedig ar gryfderau yn hyrwyddo diwylliannau cadarnhaol a lles staff
• sut – ac os – mae polisïau a chanllawiau eu sefydliad yn cefnogi arferion sy'n seiliedig ar gryfderau mewn goruchwyliaeth
• pam ei bod yn bwysig i gynnal ymarfer a hyfforddiant rheolaidd.

Dylen nhw hefyd gwybod y modelau o ymarfer sy’n seiliedig ar gryfderau a'r ymchwil a'r dystiolaeth ddiweddaraf y tu ôl i'r rhain.

Dylai pawb yn y grŵp hwn allu:

• defnyddio ymchwil mewn ymarfer bob dydd
• arwain drwy esiampl, a defnyddio arfer sy'n seiliedig ar gryfderau i reoli a goruchwylio staff
• recordio sesiwn oruchwylio mewn ffordd sy'n seiliedig ar gryfderau
• meithrin perthnasoedd cryf, dibynadwy a pharchus gyda phawb y maen nhw’n gweithio gyda nhw, gan gynnwys y bobl y maent yn eu goruchwylio, drwy:
  • ymgysylltu'n amyneddgar â'r person ar ei lefel
  • canolbwyntio ar yr hyn sy'n bwysig
  • bod yn sensitif i’w hangenhion a’u profiadau bywyd
  • meddwl am y posibiliadau ar gyfer y person hwnnw
  • cynllunio gyda 'r person yn hytrach nag i'r person.
• cael sgyrsiau anodd mewn ffordd dosturiol – er enghraifft:
  • wrth eirioli dros hawliau unigolyn pan nad yw pobl eraill yn cytuno
  • yn ystod adolygiadau perfformiad.
• defnyddio ymarfer sy'n seiliedig ar gryfderau mewn sesiynau goruchwylio i gytuno ar ganlyniadau clir a darganfod beth sy'n eu cymell
• cefnogi cydweithwyr i ddeall cryfderau a risgiau a datblygu cynlluniau diogelwch
• monitro ansawdd gwaith eu tîm yn unol ag ymarfer sy'n seiliedig ar gryfderau
• defnyddio arferion sy'n seiliedig ar gryfderau i reoli gwasanaethau a gweithio gyda phartneriaid a rhanddeiliaid, gan gynnwys arolygwyr
• gwrando ar – ac eirioli dros – pobl eraill sy'n gweithio mewn ffordd sy'n seiliedig ar gryfderau.

Gallwch gefnogi pobl yn y grŵp hwn drwy:

• weithio tuag at ddiwylliant cadarnhaol yn eich sefydliad
• weithio i werthoedd ymarfer sy'n seiliedig ar gryfderau.