Cymru Iachach: strategaeth gweithlu ar gyfer iechyd a gofal cymdeithasol, adroddiad blynyddol 2023 i 2024

Ar y cyd ag AaGIC, fe wnaethom ni:

• barhau i rannu arferion da ac adnoddau rhwng iechyd a gofal cymdeithasol i yrru gwelliant, a rhyngom rydyn ni'n rhannu lleoedd ar rwydweithiau iechyd a llesiant
• barhau i hyrwyddo’r gwasanaeth cymorth iechyd meddwl, Canopi.

Fe wnaethom ni:

• lansio tudalennau gwe llesiant newydd, gan gynnwys fersiwn ar-lein o’r fframwaith iechyd a llesiant
• siarad mewn cynadleddau a digwyddiadau’r sector i godi ymwybyddiaeth o’r fframwaith iechyd a llesiant a’r cymorth sydd ar gael i’r sector
• gyhoeddi a pharhau i fonitro ein cyflawniad yn erbyn ein cynlluniau cydraddoldeb strategol
• gynnal sesiwn panel arbenigol am Safon Cydraddoldeb Hiliol y Gweithlu (WRES) a’r hyn y mae’n ei olygu i ofal cymdeithasol yng Nghymru
• barhau i gyfrannu at weithredu Cynllun Gweithredu Cymru Wrth-hiliol Llywodraeth Cymru a'r Cynllun Gweithredu ar gyfer Pobl LHDTC+ yng Nghymru
• ddarparu hyfforddiant a sesiynau cymorth gan gymheiriaid ar-lein i reolwyr. Fe wnaethom ni adolygu ein dull gweithredu ac, yn 2024 i 2025, byddwn yn datblygu canllaw i gymorth gan gymheiriaid, i sicrhau bod mwy o bobl yn gallu cynnig cyfleoedd yn eu gweithleoedd eu hunain
• barhau i gynnal rhwydwaith llesiant gofal cymdeithasol i bartneriaid a rhanddeiliaid a datblygu’r gymuned ymarfer llesiant
• ddarparu sesiynau hyfforddiant a gwybodaeth am lesiant ar-lein i’r sector, ar y pynciau llesiant sydd bwysicaf iddyn nhw
• gynnal cynhadledd llesiant gofal cymdeithasol er mwyn i bobl allu cysylltu â’i gilydd, rhannu syniadau, dysgu am yr adnoddau llesiant a’r cymorth sydd ar gael. Yn dilyn adborth o'r digwyddiad, gwnaethom ni gynllunio a chynnal gweithdai ar-lein ar lesiant tîm.
• barhau i gefnogi’r sector i weithio’n ddwyieithog fel rhan o’n hymrwymiad i ‘Mwy na geiriau’. Fe wnaethom ni greu adnoddau wedi’u targedu i gefnogi'r gweithlu nawr ac yn y dyfodol, gan gynnwys modiwl e-ddysgu newydd, ymwybyddiaeth o'r Gymraeg
• barhau i gefnogi’r Bartneriaeth Cymunedau Dyfeisgar i’w helpu i ddatblygu a chodi ei phroffil ymhellach fel fforwm cenedlaethol, aml-sector ar gyfer sefydliadau sy’n datblygu ac yn hyrwyddo gweithgareddau a chamau gweithredu lleol i helpu i wella llesiant yng nghymunedau ledled Cymru
• barhau i gefnogi'r gwaith o hyrwyddo cerdyn gweithiwr gofal digidol. Mae hyn yn cydnabod gweithwyr gofal cymdeithasol fel gweithwyr allweddol ac yn eu galluogi i gael mynediad at amrywiaeth o fuddion gyda manwerthwyr, ynghyd â chymorth llesiant
• gyhoeddi canlyniadau peilot arolwg y gweithlu gofal cymdeithasol 2023, a oedd yn canolbwyntio ar lesiant, a lansio arolwg 2024
• roi gweithgareddau blwyddyn gyntaf y gwasanaeth cefnogi cyflogwyr ar waith a chynnal tair sioe deithiol i gefnogi cyflogwyr ledled Cymru
• gynnal y seremoni wobrwyo Gwobrau 2023 i gydnabod cyfraniad eithriadol timau ac unigolion sy’n darparu gofal cymdeithasol

• barhau i gefnogi amrywiaeth o gymunedau, gan gynnwys:
  • addysgwyr ymarfer
  • gweithwyr cymdeithasol sydd newydd gymhwyso
  • gofal plant preswyl
  • gofal a chymorth seiliedig ar leoedd
  • unigolion cyfrifol
  • tystiolaeth
  • gweithiwr proffesiynol iechyd meddwl cymeradwy
  • aseswyr budd pennaf.
• barhau i gynnig gwasanaeth llesiant i’r rheini sy’n mynd drwy’r broses addasrwydd i ymarfer a diweddaru’r wybodaeth am addasrwydd i ymarfer a gwrandawiadau ar ein gwefan
• ymgysylltu a gweithio gyda’r sector i adolygu’r codau ymarfer proffesiynol a’r canllawiau ymarfer cysylltiedig, er mwyn gwneud yn siŵr bod y rhain yn cyd-fynd â’r fframwaith iechyd a llesiant
• gefnogi gwaith Llywodraeth Cymru ynghylch gwobrwyo a chydnabyddiaeth deg ar draws y gweithlu gofal cymdeithasol
• asesu gwerth bathodynnau cofrestru i’r gweithlu drwy gynllun peilot.

Ar gyfer y Cynllun gweithlu gwaith cymdeithasol, fe wnaethom ni:

• ddefnyddio’r hyn a ddysgwyd gennym o adolygiad Cymdeithas Llywodraeth Leol Cymru o delerau ac amodau ar gyfer gweithwyr cymdeithasol i gefnogi’r gwaith o weithredu dull gweithredu safonol ledled Cymru
• rannu â phartneriaid yr hyn rydyn ni wedi’i ddysgu o’r ymchwil i’r hyn sy’n cymell gweithwyr i ddod yn weithwyr asiantaeth, gan egluro’r camau nesaf i ni a’n partneriaid
• barhau i hyrwyddo argaeledd gwasanaeth cymorth proffesiynol gwaith cymdeithasol Cymdeithas Gweithwyr Cymdeithasol Prydain (BASW)
• gynnal dwy gynhadledd gwaith cymdeithasol ar y cyd â BASW, un yn y gogledd ac un arall yn y de, i rannu arferion da a dathlu’r proffesiwn
• barhau i gefnogi cymuned yr addysgwr ymarfer a sefydlu cymuned ymarfer ar gyfer pobl sy’n cefnogi gweithwyr cymdeithasol sydd newydd gymhwyso.

Ar gyfer y Cynllun gweithlu gofal uniongyrchol, fe wnaethom ni:

• barhau i gefnogi grwpiau cymorth gan gymheiriaid sy’n gwella cydnerthedd a llesiant yn eu gweithlu
• barhau i gyfrannu at Fforwm Gwaith Teg Gofal Cymdeithasol o dan arweiniad Llywodraeth Cymru, sy’n ceisio gwella amodau gwaith ym maes gofal cymdeithasol
• barhau i gefnogi llesiant rheolwyr drwy gynnig cyfres o ddigwyddiadau dysgu a datblygu ar-lein ar y themâu canlynol:
  • empathi tosturiol ar waith
  • creu timau cydlynol a chynhwysol
  • ffiniau tosturiol yn y gwaith
  • datrys gwrthdaro mewn modd tosturiol
  • hyder, pendantrwydd a chymhelliant dilys yn y gwaith
• ddatblygu adnodd e-ddysgu ar gyfer llesiant y gweithlu a llesiant personol.

Ar gyfer y Cynllun gweithlu iechyd meddwl strategol, ar y cyd ag AaGIC, fe wnaethom ni:

• gynnal sawl digwyddiad yn ymwneud â safonau goruchwylio i rannu canfyddiadau ac i ddechrau datblygu model dull gweithredu cenedlaethol yr ymgynghorir yn eang arno
• gwmpasu gwaith ar gyfer cymorth proffesiynol pwrpasol i’r gweithlu iechyd meddwl. Rydyn ni’n defnyddio’r wybodaeth hon i benderfynu ar ein camau nesaf i fwrw ymlaen â’r gwaith hwn.

Ar y cyd ag AaGIC, fe wnaethom ni:

• barhau i gefnogi rhwydwaith gyrfaoedd iechyd a gofal cymdeithasol ar y cyd i rannu arferion da ac adnoddau i wella recriwtio a chadw staff ar draws y sectorau
• barhau i gefnogi datblygiadau pellach yn adnodd Tregyrfa.

Fe wnaethom ni:

• barhau i ddarparu ymgyrchoedd denu wedi’u targedu ar gyfer prinder sylweddol mewn grwpiau proffesiynol a galwedigaethol, grwpiau sy’n cael eu tangynrychioli a meysydd anodd eu recriwtio drwy ein rhaglen Gofalwn Cymru. Roedd ffocws yr ymgyrch yn cynnwys gweithwyr cymdeithasol yn unol ag Wythnos Gwaith Cymdeithasol, prentisiaethau, gofal cartref a’r iaith Gymraeg.
• barhau i hyrwyddo a chefnogi’r rheini sy’n dilyn prentisiaethau fel dewis gyrfa ymarferol i bobl sy'n ymuno ac yn aros yn y sector. Fe wnaethon ni hyn drwy ymgyrchoedd wedi’u targedu a thrwy gefnogi Wythnos Genedlaethol Prentisiaethau mewn partneriaeth â Llywodraeth Cymru
• barhau i gefnogi a chydlynu grŵp rhanddeiliaid recriwtio a denu cynrychioladol gyda rhanddeiliaid, gan gynnwys yr Adran Gwaith a Phensiynau, Gyrfa Cymru a sefydliadau dyfarnu fel City & Guilds a CBAC, i gryfhau’r cysylltiadau rhwng pobl sy’n chwilio am waith a gyrfaoedd ym maes gofal cymdeithasol
• barhau i ddefnyddio llwyfannau cyfryngau cymdeithasol a theledu i hyrwyddo Gofalwn Cymru gan ddefnyddio dull ‘ymlaen drwy’r amser’ o ddenu a recriwtio
• barhau i gefnogi’r swyddi cysylltwyr gyrfa gofal yn ariannol yn y saith rhanbarth
• adolygu ac adrodd ar effaith ac effeithiolrwydd rôl y cysylltwr gyrfa gofal gyda chynlluniau ar waith i ymateb i’r argymhellion
• ail-lansio gwefan Gofalwn Cymru a phorth swyddi, ar ôl ymgysylltu â rhanddeiliaid allweddol
• barhau i redeg y rhaglenni hyfforddiant ymwybyddiaeth Cyflwyniad i ofal cymdeithasol
• ymgynghori a chreu newidiadau i’r gofynion mynediad wrth gofrestru ar gyfer y gweithlu gofal cymdeithasol,
• gefnogi’r gwaith o weithredu dull recriwtio dwyieithog a modern sy’n seiliedig ar werthoedd ar gyfer yr holl staff iechyd a gofal cymdeithasol
• gwblhau gwaith ymchwil ar ddeall recriwtio a chadw staff ym maes gofal cymdeithasol a rôl Gofalwn Cymru.

Ar gyfer y Cynllun gweithlu gwaith cymdeithasol, fe wnaethom ni:

• gynnal ymgyrchoedd wedi’u targedu i gefnogi’r gwaith o hyrwyddo’r proffesiwn gwaith cymdeithasol fel dewis gyrfa yn ystod Wythnos Gwaith Cymdeithasol 2023
• adolygu’r gwaith o hyrwyddo’r bwrsari Gofal Cymdeithasol Cymru gwell ar wefannau sefydliadau addysg uwch.

Ar gyfer y Cynllun gweithlu gofal uniongyrchol, fe wnaethom ni:

• barhau i gynnal ymgyrchoedd yn benodol ar gyfer gofal cartref a phrentisiaethau ar draws teledu, y cyfryngau cymdeithasol a radio
• barhau i redeg y rhaglen hyfforddiant ymwybyddiaeth, Cyflwyniad i ofal cymdeithasol. Mae hyn wedi canolbwyntio ar newid canfyddiad y cyhoedd o ofal a datblygu hyfforddiant o ansawdd uchel i’r cyhoedd yng Nghymru i ystyried gofal fel gyrfa broffesiynol sy’n cynnig llwybrau at ddyrchafiad
• ddatblygu adnoddau’n benodol ar gyfer ysgolion a cholegau ac ar gyfer gwefan Gofalwn Cymru i hyrwyddo’r rhaglen hyfforddiant ymwybyddiaeth Cyflwyniad i ofal cymdeithasol.

Ar gyfer y cynllun gweithlu iechyd meddwl strategol, ar y cyd ag AaGIC, fe wnaethom ni:

• ddefnyddio Tregyrfa i hyrwyddo gyrfaoedd iechyd meddwl ar draws iechyd a gofal cymdeithasol, gan gynnig adnoddau, gwybodaeth a digwyddiadau byw
• ddatblygu rhaglen ymgyrch ddenu wedi’i thargedu ar gyfer y gweithlu iechyd meddwl, wedi’i chefnogi gan Hyfforddi Gweithio Byw a Gofalwn Cymru.

Ar y cyd ag AaGIC, fe wnaethom ni:

• gyfrannu at a chefnogi’r thema gweithlu a datblygiad sefydliadol y rhaglen gofal sylfaenol strategol
• gynnig hyfforddiant nyrsio i staff cartrefi gofal
• ddatblygu llwybrau i hyfforddiant ail-alluogi
• gyfrannu at ddatblygiad adnodd dysgu ar wneud penderfyniadau ar y cyd ar gyfer Tŷ Dysgu.

Fe wnaethom ni:

• gyfrannu at gyflwyno’r Cynllun Gweithredu Strategol ar gyfer Anableddau Dysgu, fel rhan o’n rôl ar Grŵp Cynghori’r Gweinidog
• barhau i gefnogi’r gwaith o ddatblygu a defnyddio pecyn cymorth cymhwysedd i gefnogi rôl asesydd dibynadwy
• barhau i gefnogi a chymryd rhan ym myrddau gweithlu rhanbarthol a byrddau partneriaeth rhanbarthol
• barhau i gefnogi cynlluniau rhanddeiliad a pholisi'r llywodraeth, gan gynnwys dileu elw, masnachfreinio gofal yn y cartref, a chynyddu capasiti cymunedol
• barhau i gefnogi gwaith y Rhwydwaith Dysgu a Gwella ar gyfer Ail-alluogi er mwyn rhannu arferion ac archwilio datrysiadau i’r gweithlu. Roedd hyn yn cynnwys gweithio ochr yn ochr ag Iechyd Cyhoeddus Cymru i adolygu statws gwasanaethau ailalluogi a gofal canolraddol fel rhan o astudiaeth genedlaethol dan arweiniad y Labordy Data Rhwydweithiol.

Ar gyfer y Cynllun gweithlu gwaith cymdeithasol, fe wnaethom ni:

• barhau i fynd i gyfarfodydd cenedlaethol gyda rheolwyr y gweithlu a’r Sefydliadau Addysg Uwch fel ein bod yn ymwybodol o unrhyw heriau sy’n wynebu’r proffesiwn gwaith cymdeithasol
• barhau i gydlynu a chadeirio grŵp Rhanddeiliaid y Proffesiwn Gwaith Cymdeithasol bob chwarter
• barhau i weithio’n agos gyda’n cydweithwyr ym maes sicrhau ansawdd addysg i drafod opsiynau datblygiad proffesiynol parhaus ar gyfer gweithwyr cymdeithasol.

Ar gyfer y Cynllun gweithlu gofal uniongyrchol, fe wnaethom ni:

• barhau i weithio gyda phartneriaid i ehangu’r hyfforddiant sydd ar gael i weithwyr iechyd a gofal cymdeithasol mewn cartrefi gofal, drwy rolau hwyluswyr addysg mewn cartrefi gofal.

Ar gyfer y Cynllun gweithlu iechyd meddwl strategol, ar y cyd ag AaGIC, fe wnaethom ni:

• barhau i gefnogi Rhwydwaith Arweinwyr Proffesiynol Iechyd Meddwl Cymeradwy Cymru Gyfan i rannu arferion da ac adnoddau i gefnogi’r gwaith o ddatblygu a gwella rolau
• ddatblygu cynnwys ar gyfer e-ddysgu lefel 1 sylfaenol Hyfforddiant Llythrennedd Iechyd Meddwl
• ddatblygu canllawiau ar gyfer colegau adfer a llunio model i fwrw ymlaen â’r gwaith gyda phartneriaid.

Ar y cyd ag AaGIC, fe wnaethom ni:

• gefnogi’r gwaith o adeiladu a gwaith parhaus y wefan datblygiad proffesiynol Gwella, sy’n nodi llwybrau dysgu a chyfleoedd i weithwyr proffesiynol ym maes gofal cymdeithasol ac iechyd
• weithio gyda phartneriaid i gynyddu argaeledd a chatalog o ddatrysiadau dysgu rhithwir, gan gynnwys e-ddysgu, ystafell ddosbarth rithwir ac efelychu.

Fe wnaethom ni:

• ddatblygu a chyfrannu at ddatblygu amrywiaeth o adnoddau dysgu digidol a modiwlau dysgu, gan gynnwys y meysydd canlynol:
  • diogelu
  • atal a rheoli heintiau
  • y Gymraeg
  • ymarfer sy’n seiliedig ar gryfderau ac sy’n canolbwyntio ar ganlyniadau
  • llesiant personol a llesiant yn y gweithle
  • cydbwyso hawliau a chyfrifoldebau wrth ryddhau cleifion o’r ysbyty
  • dulliau cyfathrebu a dulliau gweithredu ym maes gofal cymdeithasol
• pynciau amrywiol sy’n cyd-fynd â'r Fframwaith sefydlu Cymru gyfan
  • codau ymarfer proffesiynol
  • dulliau seiliedig ar hawliau a gofal sy’n canolbwyntio ar yr unigolyn
  • egwyddorion y Ddeddf Gwasanaethau Cymdeithasol a Llesiant

• barhau i flaenoriaethu’r gwaith o wella llythrennedd digidol a seilwaith digidol yn y gweithlu drwy grant Rhaglen Datblygu’r Gweithlu Gofal Cymdeithasol Cymru
• gyhoeddi gwaith ymchwil i ddeall statws cyfredol arloesedd digidol ym maes gofal cymdeithasol yng Nghymru, gan gynnwys nodi pa gamau gweithredu a chymorth pellach sydd eu hangen
• gwblhau cam darganfod ar gyfer asesiad o lythrennedd ac aeddfedrwydd digidol y sector gofal cymdeithasol yng Nghymru
• ymuno â’r Comisiwn AI ar gyfer iechyd a gofal cymdeithasol i ddarparu persbectif gofal cymdeithasol.

Ar gyfer y Cynllun gweithlu gwaith cymdeithasol, fe wnaethom ni:

• barhau i gysylltu â’n cydweithwyr technoleg ynghylch datblygiadau mewn ymarfer a all helpu ymarfer gwaith cymdeithasol a hyrwyddo’r rhain i’r sector

Ar gyfer y Cynllun gweithlu gofal uniongyrchol, fe wnaethom ni:

• gynnal pedwar gweithdy ar gyfer cyflogwyr a rheolwyr i gefnogi cynhwysiant digidol gweithwyr, er mwyn cynyddu mynediad, hyder a chymhwysedd gweithwyr wrth weithio tuag at ymsefydlu a chymwysterau
• gefnogi’r gwaith o ddatblygu adnodd e-ddysgu rheoli meddyginiaeth ar gyfer gweithwyr gofal cymdeithasol.

Ar gyfer y Cynllun gweithlu iechyd meddwl strategol, ar y cyd ag AaGIC, fe wnaethom ni:

• gomisiynu cynllun peilot ar gyfer ap sy’n helpu i symleiddio’r broses asesiadau deddf iechyd meddwl.

Ar y cyd ag AaGIC, fe wnaethom ni:

• ddatblygu dull ymsefydlu ar y cyd sy’n cyd-fynd â Fframwaith sefydlu Cymru gyfan.

Fe wnaethom ni:

• weinyddu, dyrannu ac adrodd ar y defnydd o grant Partneriaeth Datblygu Gweithlu Gofal Cymdeithasol Cymru (SCWWDP)
• barhau i roi cefnogaeth i gyflogwyr a darparwyr dysgu ar gyfer rhoi cymwysterau galwedigaethol iechyd a gofal cymdeithasol ar waith yn barhaus
• ddechrau datblygu set o adnoddau cenedlaethol i’w defnyddio gan ddysgwyr, darparwyr dysgu a chyflogwyr i gefnogi’r gwaith o ennill cymwysterau sgiliau hanfodol
• weithio gyda phartneriaid i wella cyfleoedd i ddysgwyr ymgymryd ag addysg a hyfforddiant drwy gyfrwng y Gymraeg
• weithio mewn partneriaeth â’r Ganolfan Dysgu Cymraeg Genedlaethol i greu’r cwrs dysgu Cymraeg am ddim, Camau, yn benodol ar gyfer pobl sy’n gweithio ym maes gofal cymdeithasol
• mewn partneriaeth â’r Byrddau Diogelu Rhanbarthol, ddatblygu fframwaith cenedlaethol ar gyfer hyfforddi, dysgu a datblygu ym maes diogelu, i helpu pobl sydd â chyfrifoldebau diogelu yng Nghymru
• barhau i gefnogi dealltwriaeth a defnyddio ymarfer yn seiliedig ar gryfderau ar draws meysydd gwasanaethau statudol ac anstatudol gofal cymdeithasol. Gwneir hyn drwy adnoddau a hyfforddiant gan gynnwys gweithdai ar gyfer Unigolion Cyfrifol sy’n cael eu darparu ar y cyd ag Arolygiaeth Gofal Cymru. Fe wnaethon ni hefyd ddatblygu canllaw i’r sector ar safonau ac egwyddorion wrth gomisiynu a darparu ymarfer sy’n seiliedig ar gryfder
• barhau i gynnig y rhaglen sgiliau cyfathrebu cydweithredol i awdurdodau lleol
• barhau i gefnogi’r gwaith o ddarparu dysgu i gefnogi’r gweithlu i weithio gyda gofalwyr di-dâl
• barhau i gefnogi gwaith y Rhwydwaith Dysgu a Gwella ar gyfer gofalwyr di-dâl
• ddechrau datblygu fframwaith sgiliau ar gyfer pobl sy'n gweithio ym maes ymchwil, arloesi a gwella gofal cymdeithasol
• greu tîm o hyfforddwyr i feithrin perthnasoedd, hyder a sgiliau mewn arloesi drwy hyfforddi timau lleol
• barhau i gefnogi gwaith y Rhwydwaith Dysgu a Gwella ar gyfer Ail-alluogi er mwyn rhannu arferion ac archwilio datrysiadau i’r gweithlu.

Ar gyfer y Cynllun gweithlu gwaith cymdeithasol, fe wnaethom ni:

• barhau i ddarparu cyllid trwy ein grant SCWWDP i gefnogi llefydd noddedig ar gyfer y radd gwaith cymdeithasol
• barhau i gefnogi myfyrwyr sy’n weithwyr cymdeithasol drwy hyfforddiant cymhwyso i gyflogaeth
• barhau i ddylanwadu ar werth bwrsariaethau i fyfyrwyr gwaith cymdeithasol
• ddechrau creu taith ddysgu ar gyfer DPP i weithwyr cymdeithasol.

Ar gyfer y Cynllun gweithlu gofal uniongyrchol, fe wnaethom ni:

• barhau i hyrwyddo cyfleoedd ar gyfer dysgu seiliedig ar waith a phrentisiaethau fel eu bod yn ddewisiadau gyrfa hyfyw i ymuno â’r sector ac aros yn y sector
• barhau i ddarparu cefnogaeth i gyflogwyr a darparwyr dysgu ar gyfer rhoi cymwysterau galwedigaethol iechyd a gofal cymdeithasol ar waith yn barhaus
• barhau i gefnogi'r defnydd o Fframwaith sefydlu Cymru gyfan
• barhau i gefnogi’r defnydd o’r fframwaith sefydlu ar gyfer rheolwyr gofal cymdeithasol
• gefnogi’r ddarpariaeth barhaus ar gyfer y dyfarniad Ymarferydd Gwasanaethau Cymdeithasol
• ennill cydnabyddiaeth am y dyfarniad Ymarferydd Gwasanaethau Cymdeithasol fel cymhwyster sy’n cyfateb i flwyddyn gyntaf y radd mewn Gwaith Cymdeithasol a thrwy hynny ehangu mynediad i ddysgwyr galwedigaethol i fynd i Addysg Uwch
• gefnogi’r consortiwm o sefydliadau dyfarnu i ddatblygu a newid cymwysterau galwedigaethol Lefel 4 a 5 iechyd a gofal cymdeithasol gyda newidiadau sylfaenol wedi’u negodi ar gyfer y fethodoleg asesu fel ymateb i ymgysylltu ac adborth gan y sector
• gynnal dau ddigwyddiad wyneb yn wyneb i ymgysylltu â chyflogwyr a datblygu canllawiau ar gyfer gweithwyr nos mewn gwasanaethau preswyl i blant
• gydweithio â chydweithwyr yn y sector o’r Grŵp Ymgynghori ar Gymwysterau a Safonau (QSAG) i edrych ar broses bosibl ar gyfer trosglwyddo cymwysterau nad ydynt yn cael eu cydnabod ar hyn o bryd yn y fframwaith cymwysterau, gan gynnwys gwledydd eraill yn y DU a chymwysterau rhyngwladol
• ddechrau gweithio ar brosiect i roi deunyddiau dysgu ac addysgu a ddefnyddir i gefnogi Sgiliau Hanfodol Cymru mewn cyd-destun er mwyn iddyn nhw adlewyrchu’r sectorau iechyd a gofal cymdeithasol a gofal plant a’r blynyddoedd cynnar yn well
• ailddechrau gweithio ar ddatblygu’r canllawiau lleoliadau prentisiaid gyda’r grŵp llywio sy’n cynnwys cydweithwyr yn y sector
• barhau i ymgysylltu â'r sector a chynnal nifer o rwydweithiau a gweithdai datblygiad proffesiynol ar gyfer darparwyr dysgu ar amrywiaeth o bynciau sy’n ymwneud â chynnwys ac asesu cymwysterau’r sector
• gynnal pedwar gweithdy ar gyfer cyflogwyr a rheolwyr i gefnogi cynhwysiant digidol gweithwyr, er mwyn cynyddu mynediad, hyder a chymhwysedd gweithwyr wrth weithio tuag at ymsefydlu a chymwysterau

Ar gyfer y Cynllun gweithlu iechyd meddwl strategol, ar y cyd ag AaGIC, fe wnaethom ni:

• barhau i ddarparu hyfforddiant cenedlaethol mewn therapi byr sy’n canolbwyntio ar atebion ar draws iechyd a gofal cymdeithasol
• sefydlu grŵp llywio i ddatblygu fframwaith cymhwysedd ar gyfer gweithwyr cymorth iechyd meddwl.

Ar y cyd ag AaGIC, fe wnaethom ni:

• barhau i ddatblygu a chreu mwy o adnoddau gofal cymdeithasol a chyfleoedd dysgu o fewn porth Gwella
• weithio i hyrwyddo arweinyddiaeth dosturiol a'r egwyddorion ategol ar y cyd.

Fe wnaethom ni:

• barhau i fuddsoddi mewn datblygu arweinwyr tosturiol ar draws iechyd a gofal cymdeithasol
• ddarparu rhaglen arweinyddiaeth uwch gydweithredol a thosturiol ar gyfer awdurdodau lleol a’r sector gwirfoddol
• ddatblygu a chyflwyno rhaglen datblygiad proffesiynol bwrpasol ar gyfer cyfarwyddwyr newydd, sy’n cynnwys setiau dysgu gweithredol, siaradwyr gwadd a sesiynau hyfforddi unigol
• ddarparu a gwerthuso’r Rhaglen Dysgu a Datblygu Darpar Reolwyr Canol
• barhau i ddarparu rôl arwain i hyrwyddo gweithio’n ddwyieithog
• barhau i gefnogi’r gwaith o weithredu cynllun gweithredu Mwy na geiriau
• ymchwilio i’r ffyrdd mwyaf effeithiol o gefnogi amrywiaeth mewn arweinyddiaeth gofal cymdeithasol a nodi opsiynau ar gyfer cynllun peilot i gefnogi cyfleoedd datblygiad proffesiynol grwpiau Asiaidd, Du ac ethnig eraill
• weithio gydag Arolygiaeth Gofal Cymru (AGC) i edrych ar sut i symud ymlaen gyda chymorth i wreiddio diwylliannau cadarnhaol
• ddatblygu tudalennau gwe newydd ar arweinyddiaeth dosturiol i gefnogi’r sector.

Ar gyfer y Cynllun gweithlu gwaith cymdeithasol, fe wnaethom ni:

• barhau i hyrwyddo, cefnogi ac adolygu cymwysterau’r Rhaglen Datblygu Rheolwyr Tîm (TMDP) a’r Rhaglen Datblygu Rheolwyr Canol (MMDP) a chreu fideos marchnata ar gyfer y ddwy raglen
• gyflwyno sesiwn ar gyfer tiwtoriaid TMDP i’w helpu i nodi adnoddau i gefnogi addysgu ynghylch arweinyddiaeth dosturiol fel rhan o’r rhaglen
• barhau i ddarparu system cefnogi mentora ar gyfer uwch arweinwyr sydd newydd eu penodi
• gyflwyno sesiwn datblygu dysgu i addysgwyr ymarfer ar sgyrsiau anodd, sy’n gysylltiedig ag egwyddorion arweinyddiaeth dosturiol o reoli anawsterau’n gadarnhaol, yn agored, yn ddewr ac yn foesol.

Ar gyfer y Cynllun gweithlu gofal uniongyrchol, fe wnaethom ni:

• barhau i gefnogi rhwydweithiau cymheiriaid i reolwyr cofrestredig ym maes gofal cymdeithasol mewn gwasanaethau preifat, gwirfoddol a chyhoeddus i wella llesiant a helpu i ddiogelu cydnerthedd
• barhau i gefnogi’r gwaith o hyrwyddo a gweithredu’r cymwysterau iechyd a gofal cymdeithasol Lefel 4 a Lefel 5 newydd, gan gynnwys y llwybrau prentisiaeth cysylltiedig.

Ar gyfer y Cynllun gweithlu iechyd meddwl strategol, ar y cyd ag AaGIC, fe wnaethom ni:

• ddatblygu a chyflwyno Rhaglen Datblygu Rheolwyr Tîm Iechyd Meddwl achrededig lefel 7 wedi’i hariannu’n llawn. Mae chwe deg o ymgeiswyr wedi dechrau eu hastudiaethau.

Ar y cyd ag AaGIC, fe wnaethom ni:

• ddatblygu canllawiau cynllunio gweithlu i nodi a datblygu sgiliau Cymraeg yn y gweithlu iechyd a gofal cymdeithasol
• adnewyddu’r pecyn adnoddau i gefnogi’r rhaglen cynyddu gallu cymunedol.

Fe wnaethom ni:

• barhau i gefnogi datblygiad sgiliau a hyder gweithwyr cymdeithasol wrth symud tuag at fodelau gweithredol o ymarfer sy’n seiliedig ar gryfderau ac sy’n canolbwyntio ar yr unigolyn
• barhau i wella a dwyn ynghyd ddulliau o gasglu a chyhoeddi data am y gweithlu ar draws y sector gofal cymdeithasol a sicrhau bod data cofrestru Gofal Cymdeithasol Cymru ar gael ym Mhorth Data Gofal Cymdeithasol Cenedlaethol Cymru
• lansio asesiad aeddfedrwydd data gydag awdurdodau lleol er mwyn deall yn well y bylchau mewn diwylliant a dysgu o ran defnyddio data
• barhau i gefnogi gwaith Grŵp Cynghori’r Gweinidog ar Ofalwyr
• barhau i gyfrannu tystiolaeth i’r Uwchgynhadledd Gofalwyr
• gwblhau adolygiad cwmpasu o’r dulliau o gynllunio’r gweithlu ar draws y sector a dechrau ymateb i’r argymhellion i ddatblygu’r swyddogaeth hon ymhellach
• barhau i gefnogi gwaith y Bartneriaeth Cymunedau Dyfeisgar i helpu i ddatblygu a hyrwyddo mentrau lleol sy’n gwella llesiant mewn cymunedau ledled Cymru
• edrych ar ddatblygu model i gefnogi lleoliadau gwirfoddoli mewn lleoliadau gofal cymdeithasol
• adolygu’r pecyn cymorth ‘Sgiliau Cymraeg yn eich gweithlu, eu defnyddio’n effeithiol’ fel ei fod yn cyd-fynd â deddfwriaeth, adroddiadau, fframweithiau a chymhellion perthnasol. Fe wnaethon ni hefyd greu adnodd digidol i gefnogi ei ddefnydd
• gychwyn prosiect peilot i gefnogi cyflogwyr i ddatblygu cynlluniau gweithlu Cymraeg, mewn partneriaeth â Chomisiynydd y Gymraeg
• ddechrau ystyried ac ymateb i oblygiadau’r Gwasanaeth Gofal Cenedlaethol i’r gweithlu
• gomisiynu adolygiad annibynnol o’n swyddogaethau cofrestru a dechrau datblygu cynllun gweithredu i ymateb i’r argymhellion.

Ar gyfer y Cynllun gweithlu gwaith cymdeithasol, fe wnaethom ni:

• barhau i gefnogi’r gweithlu gwaith cymdeithasol gyda chofrestru
• barhau i drafod pwysigrwydd gweithwyr tramor a’u hintegreiddio i’r gweithlu mewn ffordd ddiogel a chefnogol
• barhau i weithio’n agos gyda’n cydweithwyr yn Llywodraeth Cymru i ganfod cyfleoedd a fydd yn gwella’r sefyllfa bresennol.

Ar gyfer y Cynllun gweithlu gofal uniongyrchol, fe wnaethom ni:

• barhau i gefnogi datblygiad Fframwaith Cyflog a Chynnydd y Fforwm Gwaith Teg Gofal Cymdeithasol
• barhau i gefnogi’r gweithlu cartrefi gofal gyda chofrestru
• barhau i gefnogi rhaglen waith Trawsnewid Gwasanaethau Plant Llywodraeth Cymru, gan gynnwys y fframwaith ymarfer cenedlaethol
• gynnal dadansoddiad o anghenion hyfforddiant therapi galwedigaethol gydag awdurdodau lleol, gan ddwyn ynghyd ddarlun cenedlaethol o’r anghenion addysg a hyfforddiant wrth symud ymlaen, gan gynnwys cyfleoedd a heriau lleoliadau
• gefnogi’r gwaith o ddatblygu rhaglen Lefel 5 ar y cyd â’r Bwrdd Comisiynu Cenedlaethol i ganolbwyntio ar gomisiynu ar gyfer canlyniadau llesiant.

Ar gyfer y Cynllun gweithlu iechyd meddwl strategol, ar y cyd ag AaGIC, fe wnaethom ni:

• ddarparu cyllid i garfan o 20 o bobl i gymryd rhan mewn hyfforddiant AMHP ar draws gogledd a de Cymru.