Cefnogi llesiant: cyfres fach ar bolisi gweithle

O bapur i ymarfer ystyrlon, mae’r gyfres fach hyn yn archwilio sut i gefnogi llesiant yn y gwaith drwy bolisi. Ymunwch â ni am bedwar sesiwn neu dim ond un er mwyn ystyried pwysigrwydd a pherthnasedd polisi gweithle o ran llesiant yn y gwaith.

Mae’r sesiynau hyn ar gyfer rheolwyr, arweinwyr tîm ac unrhyw un sy’n gyfrifol dros ddatblygu neu ddiweddaru polisïau gwaith ar draws y sectorau gofal cymdeithasol a gofal plant, chwarae a’r blynyddoedd cynnar.

Mae pob rhan o’n bywydau gwaith yn cael effaith ar ein llesiant, gan gynnwys yr amgylchedd rydyn ni’n gweithio ynddo, sut rydyn ni’n teimlo am ein gwaith, y sefydliad a’r bobl rydyn ni’n gweithio efo nhw.

Mae polisïau gwaith yn disgrifio beth sy’n ddisgwyliedig o bawb sy’n gweithio o fewn sefydliad. Maen nhw’n chwarae rôl bwysig o ran cefnogi pobl a’u cadw’n saff yn y gwaith.

Ond, mae angen i bolisïau cael eu hysgrifennu yn y ffordd gywir, yn ogystal â chael eu gweithredu a’u cyfathrebu’n effeithiol.

Mae’r sesiynau hyn yn gyfle gwych i:

• dreulio ychydig o amser yn meddwl am gynnwys polisïau eich sefydliad
• glywed argymhellion a chymorth am sut mae modd newid eich polisïau i gefnogi llesiant yn well yn eich gweithle
• rhannu syniadau o ran sut i weithredu polisi yn ymarferol mewn ffordd effeithiol ac ystyrlon
• cysylltu â rheolwyr ac arweinwyr tîm eraill er mwyn rhannu syniadau ac ymarferion.

I gael y gorau o’r gyfres, rydyn ni’n eich annog i fynychu pob sesiwn.

Cliciwch y linciau islaw i archebu eich lle ar Eventbrite. Mae angen archebu eich lle ym mhob sesiwn ar wahân.

• Sesiwn un: polisi gweithle a llesiant yn y gwaith, 10am i hanner dydd, 11 Medi
• Sesiwn dau: beth sy’n gwneud polisi llesiant gwych a pham ei fod yn bwysig? 10.30am i hanner dydd, 3 Hydref
• Sesiwn tri: Deddf Absenoldeb Gofalwyr: cefnogi gofalwyr di-dâl sy’n gweithio yn eich tîm, 10.30am i hanner dydd, 23 Hydref
• Sesiwn pedwar: cymhorthfa polisi – gwiriwch a thrafodwch bolisi mewn cymhorthda polisi, 10.30am i hanner dydd, 5 Tachwedd.