Adnoddau a all gefnogi cyflogwyr gofal cymdeithasol i fodloni rheoliadau safonau gwasanaeth

• Mae adrannau o’r Fframwaith sefydlu Cymru gyfan ar gyfer iechyd a gofal cymdeithasol (AWIF) yn nodi’r themâu y disgwyliwn i weithwyr eu gwybod a'u deall.
• Gellir defnyddio adrannau o’r Fframwaith sefydlu Cymru gyfan ar gyfer rheolwyr gofal cymdeithasol i gefnogi rheolwyr sy'n newydd i'r rôl.

• Mae cynnwys y cymwysterau craidd ac ymarfer yn seiliedig ar yr hyn yr ydym yn disgwyl i weithwyr ei wybod, ei ddeall a'i roi ar waith.

• Mae Lefel 2 Iechyd a Gofal Cymdeithasol: Craidd yn adlewyrchu cynnwys yr AWIF.

• Mae'r unedau ymarfer craidd o fewn Lefel 2 Iechyd a Gofal Cymdeithasol: Ymarfer, Lefel 3 Iechyd a Gofal Cymdeithasol: Ymarfer (Oedolion) aLefel 3 Iechyd a Gofal Cymdeithasol: Ymarfer (Plant a Phobl Ifanc) yn seiliedig ar yr egwyddorion a'r gwerthoedd a ddisgwylir. mewn iechyd a gofal cymdeithasol.

• Mae unedau arbenigol yn y cymwysterau ymarfer i adlewyrchu rolau gweithwyr.

• Rydyn ni’n annog rheolwyr i edrych ar yr unedau hyn, sydd ar gael ar wefan Dysgu Iechyd a Gofal Cymru, a bod yn rhan o ddewis y rhai perthnasol gyda'u gweithwyr fel rhan o'r broses gymhwyso.

• Mae'r Cod Ymarfer Proffesiynol yn set o reolau, neu safonau y mae'n rhaid i weithwyr gofal proffesiynol weithio yn unol â nhw, i helpu i'ch cadw'n ddiogel ac yn iach.

• Mae'r canllawiau ymarfer ar gyfer gweithwyr cofrestredig yn cynnwys adrannau sy'n amlinellu’r hyn a ddisgwylir gan gweithwyr cartref gofal i oedolion sydd wedi cofrestru gyda Gofal Cymdeithasol Cymru.

• Mae'r fframwaith cymhwyster yn egluro’r cymwysterau gofynnol a'r gofynion sefydlu ar gyfer rolau swyddi o fewn gofal cymdeithasol

• Disgwylir i weithwyr gofal cymdeithasol y mae'n ofynnol iddynt gofrestru gyda Gofal Cymdeithasol Cymru gyflawni 45 awr o ddatblygiad proffesiynol parhaus dros eu cyfnod cofrestru o dair blynedd.
• Mae canllawiau ar ein tudalennau cofrestru am yr hyn a ystyrir yn ddatblygiad proffesiynol parhaus derbyniol ac mae cefnogaeth i weithwyr gofal proffesiynol i adnewyddu eu cofrestriad
• Dylai goruchwyliaeth a gwerthusiadau unigol helpu i nodi anghenion dysgu a datblygu sy'n benodol i bob gweithiwr.

Gallwch weld unrhyw ddigwyddiadau cymwysterau a safonau yma.

Cysylltwch â ni os oes gennych unrhyw gwestiynau, drwy iwqueries@socialcare.wales