Rydyn ni'n cynnal casgliad blynyddol i gael data a gwybodaeth am y gweithlu gofal cymdeithasol yng Nghymru. Rydyn ni hefyd yn cyhoeddi data cofrestru am y bobl sydd ar ein Cofrestr.
Adroddiad y gweithlu gofal cymdeithasol
Mae’r adroddiad hwn yn rhoi cipolwg o’r gweithlu gofal cymdeithasol yng Nghymru.
Rydyn ni'n casglu’r data gyda chymorth awdurdodau lleol a darparwyr a gomisiynir – sy’n cynnwys busnesau masnachol a sefydliadau di-elw a'r trydydd sector.
O 2026 ymlaen, byddwn ni ac Arolygiaeth Gofal Cymru yn cyflwyno un broses casglu data rhwng y ddau sefydliad. Bydd hyn yn ei gwneud hi'n haws i ddarparwyr gofal cymdeithasol trwy leihau'r angen i gasglu gwybodaeth debyg ddwywaith.
Data cofrestru
Gallwch gael mynediad at y data diweddaraf am y gweithlu gofal cymdeithasol cofrestredig drwy ddefnyddio ein dangosfwrdd ar Borth Data Gofal Cymdeithasol Cenedlaethol Cymru.
Mae’r dangosfwrdd yn rhoi trosolwg i chi o rai o’r data sydd gennym fel rhan o’r Gofrestr, ac fe allwch ei deilwra i ddangos yr wybodaeth sydd o’r mwyaf diddordeb i chi.
Gallwch hefyd ddod o hyd i’r wybodaeth ddiweddaraf am y gweithlu cofrestredig yn adran gweithlu'r porth.
Ewch i’r Grŵp Gwybodaeth i ddarganfod mwy am sut rydyn ni'n gwneud data cofrestru’n haws i gael mynediad iddo.
Adroddiadau Partneriaeth Datblygu Gweithlu Gofal Cymdeithasol
Mae'r Bartneriaeth Datblygu Gweithlu Gofal Cymdeithasol yn darparu gwybodaeth am weithlu darparwyr gofal allanol a gomisiynwyd gan awdurdodau lleol yng Nghymru.
Cysylltu â ni
Os oes gennych gwestiwn neu os na allwch ddod o hyd i'r hyn yr ydych yn edrych amdano, cysylltwch â ni.