Dywedodd Sarah McCarty, ein Prif Weithredwr:
"Diolch i bawb a gymerodd ran yn ein harolwg cyntaf o'r gweithlu blynyddoedd cynnar a gofal plant yng Nghymru. Mae eich ymatebion wedi rhoi mewnwelediad amhrisiadwy i ni am weithio yn y sector.
“Rydyn ni’n ffodus bod gennym weithlu sy’n cael ei yrru gan werthoedd, gyda phobl wedi’u cymell gan wneud gwahaniaeth. Mae’r canfyddiadau hefyd yn tynnu sylw at hyder cryf mewn sgiliau a hyfforddiant, ochr yn ochr ag uchelgais i symud ymlaen i rolau arweinyddiaeth.
"Fodd bynnag, mae’r sector yn wynebu heriau, ac rydyn ni wedi ymrwymo i weithio gyda phartneriaid i ddarparu’r gefnogaeth sydd ei hangen i fynd i’r afael â’r rhain. Dros y flwyddyn i ddod, mae ein cynlluniau yn cynnwys rhaglenni allgymorth wedi'u targedu, digwyddiadau ymgysylltu, a chyfleoedd ar gyfer dysgu a chefnogaeth. Byddwn ni hefyd yn parhau i ganolbwyntio ar lwybrau gyrfa ac yn ehangu ein rhaglen treialon gwaith.
"Byddwn ni’n cynnal ein harolwg blynyddol nesaf yn yr hydref, ac rwy’n annog cymaint o bobl â phosib i gymryd rhan. Mae eich llais yn chwarae rhan bwysig wrth lunio sut rydyn ni a’n partneriaid yn cefnogi'r sector.”
