Dod yn brentis
Rydym eisiau helpu prentisiaid newydd. Yma ceir gwybodaeth am ein prentisiaethau. Mae dod yn brentis yn eich galluogi i gael swydd, ennill cyflog a chael hyfforddiant.

Pam dod yn brentis?

Os ydych chi'n 16+ oed ac yn dymuno gweithio yn y sector gofal cymdeithasol, mae prentisiaeth yn ffordd dda o ddechrau. Gallwch fod yn gyflogedig neu mewn lleoliad gwaith.

Mae prentisiaethau'n cynnig ffordd i chi gael hyfforddiant, datblygu sgiliau newydd a chael cymwysterau wrth ennill.

Ar gyfer beth allaf astudio?

Gallwch ddewis rhwng:

  • Y Brentisiaeth Iechyd a Gofal Cymdeithasol
  • Y Brentisiaeth Gofal, Dysgu a Datblygiad Plant.

Mae dwy lefel iddynt:

  • Y Brentisiaeth Sylfaen Lefel 2 
  • Y Brentisiaeth Lefel 3.

Beth yw'r gofynion mynediad?

Nid oes gofynion mynediad ffurfiol ar gyfer y prentisiaethau hyn

Fodd bynnag, byddem yn disgwyl i chi weithio yn ôl set allweddol o egwyddorion a gwerthoedd. Er enghraifft, dylech allu dangos:

  • bod gennych ddiddordeb mewn gweithio gyda phlant a/neu oedolion
  • eich bod yn gallu gweithio ym maes gofal
  • eich bod yn hapus i helpu gyda gwahanol ddyletswyddau.

Bydd eich cyflogwr neu eich darparwr hyfforddiant yn rhan o'ch proses ddethol. Gallai hyn gynnwys:

  • cael geirdaon
  • edrych ar eich proffil ysgol
  • edrych ar eich adroddiadau profiad gwaith.

Mae prentisiaethau'n agored i unrhyw un sy'n 16 oed neu drosodd.

Pa gymwysterau fyddaf yn eu cael?

Gyda'r Brentisiaeth Iechyd a Gofal Cymdeithasol gallwch ennill: 

Prentisiaeth Sylfaen (Lefel 2)

  1. Diploma Lefel 2 mewn Iechyd a Gofal Cymdeithasol (Oedolion) yng Nghymru a Gogledd Iwerddon
  2. Sgiliau Hanfodol Cymru:
  • Cyfathrebu Lefel 2,
  • Cymhwyso Rhif Lefel 1 a
  • Llythrennedd Digidol Lefel 1.

Prentisiaeth (Lefel 3)

  1. Diploma Lefel 3 mewn Iechyd a Gofal Cymdeithasol (Oedolion) yng Nghymru a Gogledd Iwerddon
  2. Sgiliau Hanfodol Cymru:
  • Cyfathrebu Lefel 2,
  • Cymhwyso Rhif Lefel 2
  • Llythrennedd Digidol Lefel 2.

Gyda'r Brentisiaeth Gofal, Dysgu a Datblygiad Plant gallwch ennill:

Prentisiaeth Sylfaen (Lefel 2)

  1. Diploma Lefel 2 mewn Gofal, Dysgu a Datblygiad Plant (Cymru a Gogledd Iwerddon)
  2. Sgiliau Hanfodol Cymru:
  • Cyfathrebu Lefel 2,
  • Cymhwyso Rhif Lefel 1
  • Llythrennedd Digidol Lefel 1

Prentisiaeth (Lefel 3)

  1. Diploma Lefel 3 mewn Gofal, Dysgu a Datblygiad Plant (Cymru a Gogledd Iwerddon)
  2. Sgiliau Hanfodol Cymru:
  • Cyfathrebu Lefel 2,
  • Cymhwyso Rhif Lefel 2
  • Llythrennedd Digidol Lefel 2

Faint o amser fydd yn ei gymryd?

Bydd gennych Gynllun Prentisiaeth Unigol.

Bydd yr amser y byddwch yn ei gymryd yn cael ei gynllunio gan ystyried:

  • yr hyn yr ydych yn ei wybod yn barod
  • y cymwysterau sydd gennych yn barod
  • unrhyw brofiad sydd gennych ym maes gofal cymdeithasol
  • faint o gymorth y mae ei angen arnoch.

Dylai Prentisiaethau Sylfaen Lefel 2 gymryd o leiaf 12 mis. Dylai Prentisiaethau Lefel 3 gymryd o leiaf 20 mis.

Ble all fy arwain?

Gall Prentisiaeth Iechyd a Gofal Cymdeithasol ar Lefel 2 neu Lefel 3 arwain at swydd fel:

  • gweithiwr cymorth iechyd a gofal cymdeithasol
  • gweithiwr gofal
  • cynorthwyydd neu swyddog gwasanaethau dydd
  • uwch weithiwr cymorth
  • cydgysylltydd gwasanaeth
  • uwch weithiwr gofal
  • cynorthwyydd therapi galwedigaethol
  • cynorthwyydd lleoli oedolion / cysylltu bywydau
  • gofalwr lleoli oedolion.

Gall Prentisiaeth Gofal, Dysgu a Datblygiad Plant ar Lefel 2 neu Lefel 3 arwain at swydd fel gweithiwr neu gynorthwyydd mewn unrhyw un o'r rhain:

  • canolfannau plant
  • crèches
  • meithrinfeydd
  • lleoliadau cyn-ysgol / cylchoedd chwarae
  • canolfannau gofal dydd
  • cartrefi gwarchodwyr plant eu hunain;
  • ysgolion estynedig
  • gwasanaethau cymunedol
  • ysgolion.

Ble i fynd nesaf?

I gael mwy o wybodaeth am brentisiaethau ewch i wefannau'r Cymru Llywodraeth a Gyrfa Cymru.

Diweddarwyd diwethaf: 13 Hydref 2017