Skip to main content
Hygyrchedd y safle
Cyfrifoldebau ôl-gofrestru

Gwybodaeth am eich cyfrifoldebau fel person cofrestredig, gan gynnwys hyfforddiant a dysgu ôl-gofrestru (PRTL) a chadw'ch manylion yn gyfredol.

Dilyn y Côd Ymarfer Proffesiynol

Mae’r Côd Ymarfer yn gosod y safonau ar gyfer pob gweithiwr gofal proffesiynol yng Nghymru. Hefyd, bydd angen i chi ddilyn y canllawiau ymarfer ar gyfer eich swydd. Mae’r rhain yn ategu’r Côd gyda safonau sy’n berthnasol i’ch swydd chi yn benodol. 

Os nad ydych yn dilyn y Côd, mae’n bosibl y byddwch yn cael eich cyfeirio atom. Os ydych yn gweld pobl yn gwneud pethau yn y gwaith sydd, yn eich barn chi, yn anniogel, neu bethau na fyddech yn disgwyl eu gweld gan weithiwr gofal cymdeithasol da, dylech gysylltu â ni.

Fel rhan o'n cyfrifoldeb i sicrhau bod gan weithwyr gofal cymdeithasol ar ein Cofrestr y sgiliau, y wybodaeth a'r cymeriad i gyflawni eu gwaith yn ddiogel ac yn effeithiol, byddwn yn defnyddio'r Côd pan yn delio â phryderon a godwyd am bobl gofrestredig.

​Hyfforddiant a dysgu ôl-gofrestru (PRTL)

Mae’n rhaid i bob person cofrestredig (ac eithrio myfyrwyr gwaith cymdeithasol) gadw cofnod o’u PRTL. Bydd angen i chi gyflwyno tystiolaeth o’ch PRTL fel rhan o’ch cais adnewyddu. 

Rhaid i chi gwblhau 15 diwrnod neu 90 awr o hyfforddiant a dysgu yn ystod pob cyfnod cofrestru o dair blynedd (chwech awr = un diwrnod). 

Mae’n rhaid i chi drafod a chytuno ar eich hyfforddiant a’ch dysgu gyda’ch rheolwr cyn cyflwyno tystiolaeth i ni. Rydym yn argymell y dylech ddiweddaru’ch cofnodion PRTL wrth i chi eu cwblhau, a gallwch wneud hyn trwy fewngofnodi i’ch cyfrif GCCarlein.

Bydd angen i chi gofnodi:

  • y dyddiad
  • teitl yr hyfforddiant neu’r dysgu
  • hyd yr hyfforddiant a’r dysgu
  • disgrifiad cryno o sut cyfrannodd yr hyfforddiant at eich datblygiad proffesiynol.

Rhoi gwybod i ni am unrhyw newidiadau

Mae’n rhaid i chi roi gwybod i ni am unrhyw newidiadau i’ch manylion. 

Mae’n rhaid i chi ein hysbysu am newidiadau i’ch:

  • enw
  • teitl
  • manylion cyswllt
  • cyflogaeth
  • cyfeiriad cartref
  • cofrestriad gyda chorff rheoleiddio arall
  • cofnod troseddol
  • cofnod iechyd
  • cofnod disgyblu.

Dylid gwneud hyn cyn gynted â phosibl. Gall peidio â dweud wrthym arwain at gael eich cyfeirio at banel addasrwydd i ymarfer.

Gallwch weld a diweddaru eich manylion ar unrhyw adeg yn eich cyfrif SCWonline yn yr adran ‘Fy Mhroffil’.

Y rhaglen gadarnhau ar gyfer gweithwyr cymdeithasol

Mae'r rhaglen gydgrynhoi yn ofyniad ar gyfer yr holl weithwyr cymdeithasol a gymhwysodd ar ôl 1 Ebrill 2016.

Rhaid ei gwblhau yn ystod tair blynedd gyntaf ei gofrestriad.

Y rhaglen hon yw rhan gyntaf addysg a dysgu proffesiynol parhaus (CPEL). Am fwy o wybodaeth am y rhaglen gadarnhau ar gyfer gweithwyr cymdeithasol ewch i cymwysterau gwaith cymdeithasol.

Darparu tystiolaeth o'ch cofrestriad

Byddwch yn derbyn llythyr gennym yn cadarnhau eich cofrestriad ar ôl iddo gael ei ganiatáu. Nid ydym yn rhoi tystysgrifau cofrestru mwyach.

Os oes angen prawf arnoch eich bod wedi cofrestru gyda ni mewngofnodwch i'ch cyfrif GCCar-lein ac ewch i ‘Prawf o gofrestru’.

Gallwch hefyd wirio'ch enw ar y Gofrestr.

Cysylltu â ni

Os oes gennych chi gwestiwn Cysylltwch â ni.

Diweddarwyd diwethaf: 07 Tachwedd 2019